अमरगढी– नेपाली कांग्रेसका सभापति शेरबहादुर देउवाले वर्तमान सरकारको बेवास्ताका कारण नेपाल–भारत जोड्ने महाकाली पुल निर्माण कार्य अगाडि बढ्न नसकेकोे बताएका छन्।
डडेलधुराको परशुराम नगरपालिका–५ महाकाली किनारस्थित जोगबुढामा ‘परशुराम धार्मिक, पर्यटन महोत्सवको आज उद्घाटन गर्दै सभापति देउवाले महाकालीमा पक्की पुल बनाउने योजना आफ्नो सरकारको पालामा अगाडि बढेको बताए। आफू प्रधानमन्त्री भएको बेला उक्त सम्झौता गरे पनि वर्तमान सरकारले त्यसप्रति बेवास्ता गरेको उनले आरोप लगाए।
‘महाकालीमा पुल बनाउन सके नेपाल–भारतबीचको व्यापारसमेत बढ्छ,’ उनले भने।
परशुरामधामको धार्मिक तथा पर्यटकीय महत्वको प्रचारप्रसार तथा प्रवद्र्धनका लागि महोत्सव आयोजना गरिएको आयोजक परशुराम नगरपालिकाका नगरप्रमुख तथा परशुराम धार्मिक, पर्यटन महोत्सवका संयोजक भीमबहादुर साउँदले बताए।
परशुराम क्षेत्रको पुरातात्विक धार्मिक महत्व तथा इतिहासबारे प्रचारप्रसार गरी पर्यटन प्रवद्र्धनमा टेवा पुर्याउन महोत्वसबाट मद्दत पुग्ने उनको भनाइ थियो।
महोत्सवमा महास्नान, गङ्गा आरती, मकर महास्नान, योग विज्ञान शिविर, सङ्गीतमय श्रीमद्भागवत सप्ताह ज्ञानमहायज्ञ, देउरा दर्शनलगायत कार्यक्रम प्रस्तुत गरिने छ। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
