काठमाडौं– महानगरीय ट्राफिक प्रहरी महाशाखाले नियमविपरीत यात्रु बोक्ने मोटरसाइकललाई कारबाही सुरु गरेको छ।
उवर, टुटल, पठाओलगायतका मोबाइल एप्स सञ्चालन गरी यात्रु बोक्ने गरेका विशेष सूचनाका आधारमा ४ वटा मोटरसाइकललाई कारबाही गरिएको हो। महाशाखाले बा२६प ९९४६, बा३५प ८०३४, बा९३प ८५१९, लु२०प ७६३४ र प्रदेश३–०२–००३प ६५८२ नम्बरको मोटरसाइकलका चालकलाई कारबाही गरिएको छ।
महाशाखाका प्रमुख एवम् प्रहरी वरिष्ठ उपरीक्षक वसन्त पन्तले निजी सवारीसाधनले पैसा लिएर यात्रु बोक्न नपाइने भएकाले कारबाही गरिएको जानकारी दिए। ‘यातायात व्यवस्था ऐन, २०४९’ को दफा ८ को उपदफा १ बमोजिम दर्ता भएका सवारी साधनले उपदफा २ बमोजिम निजी सवारी साधन यातायातका लागि प्रयोग गर्न नपाइने व्यवस्था गरेकाले सोहीअनुसार कारबाही गरिएको पन्तले जानकारी दिए।
कारबाही गरिएका मोटरसाइकल चालकलाई १ हजारसम्म जरिवाना गरिएको महाशाखाले जनाएको छ। यसरी भाडामा यात्रु बोक्ने मोटरसाइकल धेरै रहेका भन्दै महाशाखाले यस्ता सवारी साधनमाथि विशेष कारबाही अभियान सुरु गरेको छ।
नेपाल मिटर ट्याक्सी सङ्घका अध्यक्ष अर्जुन गौतमले निजी सवारीसाधनले यात्रु बोक्दा सार्वजनिक सवारी साधनलाई समस्या परेको बताए। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
