जनकपुर– महोत्तरीको गौशाला नगरपालिकाका बजार अनुगमन टोलीले बुधबार बजारको अनुगमन गर्ने क्रममा व्यापारीहरूले अवरुद्ध गरेका छन्।
व्यापारीहरूले पसल बन्द गरेर अवरोध गरेपछि अनुगमन कार्य प्रभावित भएको छ। जिल्ला प्रशासन कार्यालय महोत्तरीले ‘दो फूल’ नामक खानेतेल बिक्रीका लागि प्रतिबन्ध गरेको थियो।
तर, खुलेआम रुपमा तेल बिक्री भइरहेको जानकारी पाएपछि टोलीले पसलहरूमा नियन्त्रणमा लिन खाजेको थियो।
‘अनुगमनका क्रममा व्यापारीहरूले सटर बन्द गर्नाले काम प्रभावित भयो,’ नगर उपप्रमुख एवम् अनुगमन टोलीका संयोजक आशा लामाले भनिन्।
बजार अनुगमन उपभोक्ता हकहितका लागि भए पनि केही व्यापारीहरुले उक्त अनुगमनलाई प्रभावित नै पार्ने गरी पसल बन्द गरी विरोध जनाए पछि तत्कालको लागि अनुगमन स्थगित गर्नुपरेको उपप्रमुख लामाले बताइन्।
अनुगमनको अवरोधको विषयमा बिहीबार मितिसँग थप छलफल गरी आवश्यक कदम उठाइने तयारी गरिएको नगरपालिका कार्यालयले जनाएको छ।
केहीदिन अगाडि प्रमुख जिल्ला अधिकारी उमेशकुमार ढकालको संयोजकत्वमा बसेको बैठकले जिल्लाभरि नै ‘दो फूल’ नामक खानेतेल खरिद बिक्रीमा प्रतिबन्ध लगाउने निर्णय गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
