जनकपुरधाम- महोत्तरीको बर्दिवास नगरपालिकामा मोटरसाईकल दुर्घटनामा परी एकजनाको मृत्यु भएको छ भने एकजना गम्भीर घाईते भएका छन्।
इलाका प्रहरी कार्यालय बर्दिवासले दिएको जानकारी अनुसार पूर्व पश्चिम राजमार्ग अन्तर्गत बर्दिवास नगरपालिका-५ लक्ष्मीनिया चोकमा बँदेलसँग मोटरसाइकल ठोक्किदा दुर्घटना भएको हो।
दुर्घटनामा परी रौतहट चन्द्रनिगाहपुर नगरपालिका-५ बस्ने ४२ वर्षीय रोशन कुमार काफ्लेको मृत्यु भएको छ भने ३५ वर्षीय राजन काफ्ले गम्भीर घाईते भएका छन्। मृतक रोशन र घाइते राजन दाजुभाइ रहेको इप्रका बर्दिवासका डिएसपी नकुल पोखरेलले जानकारी दिए।
ना ६२ प ७३१९ नम्बरको मोटरसाइकल बर्दिवास नगरपालिकाबाट रौतहटतर्फ जाने क्रममा एक्कासी सडकमा आएको जंगली बँदेलसँग मोटरसाइकल ठोक्किएको र अनियन्त्रित भई दुर्घटना प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
