डडेल्धुरा– डडेल्धुरा सदरमुकाममा अमरगढीमा चौथो पटक अगलागी भएको छ। आइतबार राति भएको भीषण आगलागीमा ६५ लाखको क्षति भएको छ।
अमरगढी नगरपालिका–५ बागबजारको बगरकोट रोडमा राति साढे १२ बजे आगलागी भई ११ खोका छाप्राहरु जल्दा ६५ लाख बराबरको क्षति भएको जिल्ला प्रहरी कार्यालय डडेल्धुराले जनाएको छ।
आगलागीबाट बसपार्क नजिकैको पिपलचौतारीका तरकारी पसल, नास्ता पसल तथा माछा मासु पसल र एक गोदाम जलेका हुन्। करिब दुई घण्टापछि अमरगढी नगरपालिकको दमकल, नेपाल प्रहरी, सशस्त्र प्रहरी, नेपाली सेना र स्थानीयको सहयोगमा आगो नियन्त्रमा लिइएको थियो।
आइतबार रातिसहित डडेल्धुरामा लगतार चार पटक आगलागी भएको हो। आगो लगाएको आशंकामा एक जनालाई पक्राउ गरिएको जिल्ला प्रहरी कार्यालय डडेल्धुराका प्रहरी नायब उपरीक्षक डम्बरबहादुर केसीले जानकारी दिए।
पक्राउ परेका व्यक्तिको नाम ठेगाना नखुलाइए पनि आगलागी पीडितका आफन्त रहेको बताइएको छ। उनले आगो लगाएको प्रहरीसँग स्वीकार गरेको प्रहरी नायब उपरीक्षक केसीले बताए। गत साता मात्र डडेल्धुरामा लगातार तीन पटक आगलागी हुँदा करिब ८७ लाख बराबरको क्षतिको भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1791388337.png)
