काठमाडौ– धादिङको गजुरी गाउँपालिका–१, गजुरी बजारबाट प्रहरीले ४ किलो अवैध सुनसहित ३ जनालाई पक्राउ गरेको छ। पक्राउ पर्नेमा रसुवा जिल्ला उत्तरगया गाउँपालिका–२ का सञ्जीत वाइबा, नुवाकोट जिल्ला तारकेश्वर गाउँपालिका–५ का सुरेन्द्र तामाङ र विकास तामाङ रहेका छन्।
इलाका प्रहरी कार्यालय गजुरीका प्रहरी निरीक्षक नवराज ढुंगेलले मोटरसाइकलमा रहेका उनीहरुलाई विशेष सुराकीको आधारमा पक्राउ गरिएको जानकारी दिए।
जिल्ला प्रहरी कार्यालय धादिङका प्रहरी उपरीक्षक डम्बरबहादुर विकले प्रदेश ३ प्रहरी कार्यालय हेटौंडा र इलाका प्रहरी कार्यालय गजुरीका प्रहरी निरीक्षक नवराज ढुंगेल नेतृत्वको टोलीले सुन पक्राउ गरेको जानकारी दिए।
सुनको अवैध कारोबारको सूचना पाएपछि अनुसन्धान गर्दै जाँदा बिहीबार राति पौने १० बजे बा८७प ७७३१ र प्रदेश ३–०२–००३प २५४० नम्बरको मोटरसाइकलमा सवार ३ जना पक्राउ परेका प्रहरी निरीक्षक ढुंगेलले बताए। भने, ‘पक्राउ परेकाको साथबाट ४ थान सीमकार्डसहितको मोबाइल पनि बरामद गरिएको छ।’
ढुंगेलले बरामद गरिएको सुन राजश्व अनुसन्धान विभागको टोलीलाई जिम्मा लगाइएको जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1791388337.png)
