काठमाडौं- जिल्ला प्रहरी कार्यालय झापाले अपहरणमा परेका एक बालकको सकुशल उद्दार गरेको छ। भारतको सुपोलस्थित किशोरपुरबाट अपहरित ७ वर्षीय बालक महफुज आलमलाई झापा प्रहरीले सकुशल उद्दार गरेको हो।
भारतबाट अपहरणमा परेका बालकलाई नेपालमा ल्याएर बन्धक बनाइएको सूचना पाएपछि बुधबार प्रहरीले उद्दार गरेको हो। प्रहरीले दमक-५, गोर्खाली टोलस्थित देउराली होटलबाट बालकको उद्धार गरेको थियो।
घटनामा संलग्न रहेका ३ जनालाई पक्राउ प्रहरीले पक्राउ गरेको छ।
पक्राउ पर्नेमा गौरीगञ्जका ४७ वर्षीय बद्री यादव, गौरीगञ्ज-४ का श्रीप्रसाद मुखिया र उनकी श्रीमती अन्जुदेवी मुखिया छन्।
पक्राउ परेका यादव संघीय समाजवादी फोरमका नेता हुन्। उनी गत स्थानीय तहको निर्वाचनमा गौरीगञ्ज गाउँपालिकाको अध्यक्षका लागि फोरम नेपालका तर्फबाट उम्मेदवार बनेका थिए।
२० गते अपहरणमा परेका बालकलाई २४ गते उद्धार गरिएको हो।
बालकलाई अपहरण गरेपछि अपहरणकारीले बालकका बुबालाई फिरौती वापत १५ लाख रुपैयाँ भारु माग गर्दै फोन गरेका थिए।
प्रहरीले परिवारलाई विश्वासमा लिएर अपहरणकारीलाई फिरौतीको पासोमा हाल्यो। २५ गते बिहान फिरौती लिन एक अपहरणकारी गौरिगञ्जको खजुरगाछी चोकमा आइपुगे। पटक-पटक फिरौती लिने स्थान परिवर्तन गरेका उनीहरु अन्तमा सो स्थानमा आउन राजी भएका थिए। फिरौती बुझ्न आएका यादव प्रहरीको नियन्त्रणमा परेका थिए।
त्यसपछि अनुसन्धानका क्रममा मात्र अपहरणका नाइके फोरमका स्थानीय नेता बद्री यादव रहेको खुलेको थियो। उनकै सूचनाको आधारमा अञ्जुदेवी पनि पक्राउ परिन्। अनुसन्धानका क्रममा श्रीप्रसाद पनि समातिए।
घटनाको अनुसन्धान भइरहेको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
