काठमाडौं– योनेक्स सनराइज नेपाल इन्टरनेशनल ब्याडमिन्टन सिरिजको पुरुष एकलमा नेपालका विकास श्रेष्ठ र रत्नजित तामाङ अन्तिम १६ मा प्रवेश गरेका छन्।
विकासले अन्तिम १६ मा पुग्ने क्रममा नेपालकै जीवन आर्चायलाई २१–१४, १९–२१ र २१–१८ ले हराए।रत्नजितले मोरिससका तेजराज पुट्लोलाई २१–९ र २१–८ ले पराजित गरे। यस्तै विजीत थापामगरले भुटानका कर्मा छेन्ड्रुलाई २१–१० र २१–१३ ले हराए।
दिपेश धामी भने मलेसियाका तेन्जी सोसँग १८–२१, २१–१८ र २१–१५ को सेटमा पराजित भए। प्रजुल मर्जनललाई भारतका अमेया अएकले २१–१८ र २२–२० ले पराजित भए। प्रिंस दाहाल भियतनाम र नवीन श्रेष्ठ थाइल्यान्डका खेलाडीसँग हार्दै अन्तिम ३२ बाट बाहिरिए।
मिक्स डबल्समा दिपेश धामी र शोभा गौचनको जोडीले बंगलादेशी जोडीलाई हराएर क्वार्टरफाइनलमा स्थान पक्का गरे। यस्तै पूजा श्रेष्ठ र विजित थापामगरले पनि जर्मनी र फ्रान्सको जोडीलाई हराएर अन्तिम ८ माप पुगे।
रत्नजित तामाङ र नङशलदेवी तामाङ भने अन्तिम १६ मै पराजित भए।
महिला सिंगल्समा नेपालका नङ्शल, अनुमाया राई, सीता राई र जेसिका गुरुङ अन्तिम १६ मै पराजित भए।
पुरुष डबल्समा दिपेश धामी र रत्नजित तामाङको जोडीले भारतका भाजील अली र आयुस ग्रासको जोडीलाई हराएर क्वार्टफाइनलमा स्थान बनाए।
सिरिजमा नेपाल सहित २० राष्ट्रका ६१ महिला र ११७ पुरुषसहित कुल १ सय ७८ खेलाडीले प्रतिस्पर्धा गरिरहेका छन्। सिरिजमा नेपालसहित, अमेरिका, जर्मनी, फ्रान्स,अष्ट्रेलिया, थाइल्याण्ड,मलेसिया, भारत, मरिसस, भुटान, श्रीलंका, बंगलादेश, इरान, मगोलिया, पाकिस्तान, माल्दिभ्स, भियतनाम, बहराइन, म्यानमार र सिंगापुरका खेलाडीले प्रतिस्पर्धा गर्नेछन्।
सिरिजमा पुरुष एकल, महिला एकल, पुरुष युगल, महिला युगल तथा मिश्रीत युगल गरि ५ स्पर्धामा प्रतिस्पर्धा हुनेछ । नेपालबाट पुरुष एकलमा १६ तथा महिला एकलमा १३ खेलाडीले प्रतिस्पर्धा गर्नेछन्।
सिरिजमा पुरुष र महिला एकल तर्फको विजेताले ७ सय ५० डलर, दोस्रोले ३ सय ८० डलर, सेमिफाइनल पुग्नेले १ सय ९० डलर, क्वाटरफाइनल पुग्नेले ३० डलर तथा अन्तिम १६ मा पुग्नेले १५.५ डलर पाउनेछन्।
यस्तै पुरुष युगल तथा महिला युगलतर्फको विजेताले ७ सय ९०, दोस्रोले ३ सय ८० डलर, सेमिफाइनल पुग्नेले २ सय ८० डलर , क्वाटरफाइनलमा पुग्नेले ३६.२५ डलर तथा अन्तिम १६ मा पुग्नेले १८.७५ डलर पाउनेछन्।
त्यस्तै मिश्रीत युगलतर्फ पनि विजेताले ७ सय ९०, दोस्रोले ३ सय ८० डलर, सेमिफाइनल पुग्नेले २ सय ८० डलर , क्वाटरफाइनलमा पुग्नेले ३६.२५ डलर तथा अन्तिम १६ मा पुग्नेले १८.७५ डलर पाउनेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
