दिल्ली– भारतीय क्रिकेट टिमका पूर्व ओपनिङ ब्याट्सम्यान गौतम गम्भिरले सबै खाले क्रिकेटबाट संन्यास लिने घोषणा गरेका छन्।
भारतलाई सन् २००७ को टी–२० विश्वकप र सन् २०११ को एकदिवसीय विश्वकप क्रिकेटको उपाधि जिताउन उत्कृष्ट प्रदर्शन गरेका उनले रणजी ट्रफीको खेलपछि संन्यास लिने घोषणा गरका हुन्। उनले बिहीबार सुरु हुने ट्रफीको खेलमा दिल्लीबाट आन्द्राविरुद्ध खेल्नेछन्। त्यसपछि उनले बुट र ब्याट थक्काउनेछन्।
उनी भारतीय टिमबाट पछिल्लो पटक सन् २०१६ को नोभेम्बरमा इंग्ल्यान्डविरुद्धको टेस्ट टिममा थिए।
गम्भिरले भिडियो सन्देशमार्फत संन्यास घोषणा गर्दा १५ वर्ष भन्दा बढी समय आफ्नो देशका लागि खेलेपछि सुन्दर खेलबाट संन्यास लिन चाहेको बताएका छन्।
गम्भिरले भारतका लागि ५८ टेस्ट, १ सय ४७ एकदिवसीय र ३७ टि–२० खेलबे छन्। सन् १९९९–२००० म करिअर सुरु गरेका ३७ वर्षीय गम्भिरले टेस्टमा ९ शतक र २२ अर्धशतक प्रहार गरेका थिए। यस्तै उनले एकदिवसीय खेलमा ११ शतक बनाएका थिए।
आइपिएल क्रिकेटमा उनी सुरुवातमा कोलकता नाइटराइडर्सबाट खेल्दै उपाधि जित्न सफल भएका थिए। गत सिजन दिल्लीमा आएका उनले बीचैमा कप्तानमा त्यागेका थिए।
उनले सन् २००७ को टी–२० विश्वकप फाइनलमा ७५ रन बनाएका थए भने सन् २०११ को एकदिवसीय विश्वकपको फाइनलमा ९७ रन जोडेका थिए। दुवै फाइनलमा भारतका लागि सर्वाधिक रन जोड्ने ब्याट्मस्यान गम्भिर नै थिए।
उनले दुवै फाइनलमा बढी जोड्नु पाउदा आफ्नो सपना सकार भएको भिडियो सन्देशमा बताएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1776414047.png)
-1764146706.png)
