काठमाडौं– क्रोएसियाली मिडफिल्डर लुका मोड्रिकले फुटबलको प्रतिष्ठित अवार्ड बालोन डि’ओर २०१८ को ट्रफी जितेका छन्।
फ्रेन्च फुटबलले प्रदान गर्दै आएको आवर्ड मोड्रिकले जितेसँगै अर्जेन्टाइन फरवार्ड लिओनल मेसी र पोर्चुगिज स्ट्राइकर क्रिस्टियानो रोनाल्डोको दबदाब पनि समाप्त भएको छ। पछिल्लो १० वर्षमा मेसी र रोनाल्डोले पालैपालो ट्रफी हात पार्दै आएका थिए। सन् २००७ मा ब्राजिलका काकाले अवार्ड हात पारेपछि मेसी र रोनाल्डोले ५–५ पटक अवार्ड जितेका थिए।
सन् २००७ पछि रोनाल्डो र मेसीपछि अवार्ड जित्ने पहिलो खेलाडी बन्ने क्रममा ३३ वर्षीय मोड्रिकले गत वर्ष स्पेनिस क्लब रियल म्याड्रिडबाट च्याम्पियन्स लिगको उपाधि जितेका थिए। यस्तै क्रोएसियाको कप्तानी सम्हालेका उनले आफ्नो देशलाई विश्वकपको फाइनलसम्म पुर्याएका थिए।
अवार्डमा मोड्रिकले ७ सय ५३ अंक प्राप्त गरेका थिए। रोनाल्डो दोस्रो स्थानमा आए। रोनाल्डोले ४ सय ७६ अंक मात्र पाउन सके। तेस्रो स्थानमा रहेका फ्रान्सका एन्टोनी ग्रिजम्यानले ४ सय १४ अंक पाएका थिए भने फ्रान्सकै युवा फरवार्ड केलियन एमबाप्पे ३ सय ४७ अंक जोडेर चौथो स्थानमा रहे। बार्सिलोनाका अर्जेन्टाइन फरवार्ड मेसी २ सय ८० अंकसहित पाँचौ स्थानमा रहेका थिए।
मोड्रिकले यसअघि फिफा वर्ष खेलाडीको पनि अवार्ड हात पारेका थिए। उनले अवार्ड जितेपछि अवार्ड विशेष रहेको बताए। यता नर्वेकी २३ वर्षीय स्ट्राइकर अदा हेगेरवर्गले महिला बलोन डि’ओर प्राप्त गरेकी छन् भने १९ वर्षीय एमबाप्पे युवा खेलाडी घोषित भएका छन्।
बालोन डि'ओभर अवार्डसँग २०१० देखि २०१५ सम्म फिफाले सहकार्य गरेको थियो। जसलाई फिफा अवार्डको नाममा प्रदान गरिएको थियो। सन् २०१६ देखि बालोन डि'ओर र फिफा अावर्ड छुट्टै छुट्टै हुने गरेको छ।
बालोन डि'ओरका उत्कृष्ट १० खेलाडी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
