दाङ- दाङको राजापुर गाउँपालिका वडा नम्बर ४ जहरेघाटमा ६ वटा मोटरसाईकलमा आगजनी गरिएको छ। गोरु तस्कर र स्थानीयबीच विवाद हुँदा स्थानीयले मोटरसाइकलमा आगजनी गरेको जिल्ला प्रहरी कार्यालय दाङले जानकारी दिएको छ।
स्थानीयबासीका अनुसार गोरु तस्करी भैरहेको बेला गाउँलेहरुले रोक्न खोजेपछि भएको विवादपछि गए राति स्थानीयले मोटरसाइकलमा आगजनी गरेका हुन्।
जिल्ला प्रहरी कार्यालय दाङका प्रहरी उपरीक्षक बेलबहादुर पाण्डेका अनुसार गोरु तस्करी गर्ने गिरोहको मोटरसाइकलमा आगजनी भएको हो। यस बिषयमा थप अनुसन्धान भइरहेको प्रहरी उपरीक्षक पाण्डेले बताए। पछिल्लो समय दाङको देउखुरीबाट गोरु तस्करी गर्नेको संख्या बढ्दै गएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
