हेटौंडा- हेटौँडा सामुदायिक आँखा अस्पताललाई रोटरी इन्टरनेसनल तस्मनिया अस्ट्रेलियाका पूर्व डिस्ट्रिक गर्भनर जेम्स विलकसले ‘ओकुलर कोहरेन्स टोमोग्राफी’ (ओसीटी) उपकरण हस्तान्तरण गरेका छन्।
रोटरी इन्टरनेसनल तस्मनियाका पूर्व डिस्ट्रिक गर्भनर जेम्स विलकसले रोटरी क्लब अफद्वारा आज आयोजित कार्यक्रममा उक्त उपकरण हस्तान्तरण गरेका हुन्। उपकरण हस्तान्तरणपछि रोटरी क्लब अफ र सामुदायिक आँखा अस्पतालले उनलाई प्रशंसापत्रसहित सम्मान गरेको छ। ओसीटीको सहायता पाएपछि जटिल प्रकृतिको आँखाको शल्यक्रिया गर्न सहज भएको अस्पतालका प्रशासकीय अधिकृत सुधीर श्रेष्ठले जानकारी दिए।
उक्त उपकरणले आँखाको रेटिनाको मोटोपना जाँच गर्नुका साथै मधुमेहलगायतका बिरामीको शल्यक्रिया गर्दा सुई दिने या नदिने सोही उपकरणबाट परीक्षण गर्न सकिनेछ। यसअघि सो उपकरण नहुँदा अस्पतालले बिरामीलाई काठमाडौँस्थित तिलगङ्गा अस्पतालमा स्थानान्तरण गर्नुपर्ने बाध्यता थियो। रोटरी क्लबका अध्यक्ष लेखराज पोखरेलका अनुसार उक्त उपकरणको मूल्य रु ८४ लाख ६० हजार ५ सय ३६ पर्दछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
