काठमाडौं– ३८ सय किलो सुन तस्करी प्रकरणमा जिल्ला र उच्च अदालतले धरौटीमा रिहा गर्न अस्वीकार गरेपछि डिएसपि संजयकुमार राउत सर्वोच्च अदालत पुगेका छन्।
_x000D_ _x000D_
जिल्ला अदालत मोरङ र उच्च अदालत विराटनगरको फैसलालाई चुनौती दिँदै राउतले कात्तिक १२ गते सर्वोच्चमा निवेदन (१७ नम्बरको) दिएका थिए। तल्लो अदालतको आदेश चित्त नबुझे माथिल्लोमा जान पाउने सुविधा अन्तर्गत उनी सर्वोच्च आएका हुन्।
_x000D_ _x000D_
उनको मुद्दामा पहिलो सुनुवाइ गर्दै प्रधानन्यायाधीश ओमप्रकाश मिश्र र डम्बरबहादुर शाहीको इजलासमा शुक्रबार पेसी रहेको थियो। उक्त निवेदनमा सुनुवाई गर्दै सर्वोच्चले उच्च, जिल्लाको अदालतको आदेश झिकाउने आदेश गरेको छ। यसअघि पक्षका कानुन व्यवसायीले दुई पटकसम्म मुद्दाको सुनुवाइ स्थगित गरेका थिए।
_x000D_ _x000D_
न्यायाधीशहरु विश्वभरप्रसाद श्रेष्ठ र अनिलकुमार सिन्हाको इजलासमा पेसी परेपछि पक्षका कानुन व्यवसायीले मुद्दा हटाएका थिए।
_x000D_ _x000D_
हरिको डेढ महिना लामो अनुसन्धानपछि गत बैसाख २६ गते जिल्ला सरकारी वकिलको कार्यालयले बहालवाला प्रहरी अधिकृतसहित २९ जनालाई पक्राउ गरी आरोपपत्रसँगै अदालतमा पेस गरेको थियो। उनीहरुविरुद्ध संगठित अपराधअन्तर्गत आपराधिक समूह स्थापना गरी सुन चोरी-पैठारी र निकासी गरेको, अपहरण तथा शरीर बन्धक र कर्तव्य ज्यान शीर्षकमा मुद्दा दर्ता भएको थियो।
_x000D_ _x000D_
मिलेमतोमा सुन तस्करी गर्ने चूडामणि उप्रेती ‘गोरे’ समूहले त्रिभुवन अन्तर्रा्ष्ट्रिय विमानस्थलबाट हालसम्म ३८ सय किलो सुन तस्करी गरी १७ अर्ब १ करोड ८० लाख रुपैयाँ राज्यलाई नोक्सान पुर्याएको दाबी अभियोगपत्रमा गरिएको छ।
_x000D_ _x000D_
सरकारी वकिलको कार्यालयले उक्त रकम बिगोका रुपमा उनीहरुसँग असुल हुनुपर्ने मागदाबी गर्दै जिल्ला अदालत मोरङमा मुद्दा दायर गरेको थियो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।