बाग्लुङ– रत्ना बस्नेतसँग आशाको त्यान्द्रो बाँकी थियो, 'कतैबाट श्रीमान् टुप्लुक्क आइपुग्नु हुन्छ कि?'
_x000D_
_x000D_
करिब दश वर्षदेखि बाटो कुरेर बसिरहेकी श्रीमती रत्नासँग न अब आशा नै बाँकी रह्यो, न श्रीमान्।
_x000D_
_x000D_
रोजगारीमा दिल्ली पुग्नुअघि ०६६ असार २२ गते भैरहवाबाट श्रीमान् जीतबहादुरले गरेको टेलिफोनमा सुनिएकाे अावाज नै रत्नाकाे निम्ति अन्तिम आवाज बन्न पुग्यो।
_x000D_
_x000D_
चाँडै फर्कने वाचा गर्दै निस्किएका बस्नेत अब कहिल्यै घर फर्कने छैनन्। बाबुकाे स्नेह साँचिरहेका छोरी चीना र छोरा राम बाबुकाे सम्झनामा रुमल्लिरहेका छन्। रोगले थलिएका ९१ वर्षीय बुबा कर्णबहादुरमाथि अर्को चोट थपिएको छ।
_x000D_
_x000D_
गलकोट नगरपालिका–१० मल्मस्थित परिवार र आफन्तजन शोकमा डुबेका छन्।
_x000D_
_x000D_
दश वर्षदेखि हराएका बस्नेतको मृत्युको खबरले सिङ्गो गाउँ चिन्तित छ। दिल्लीसम्मै पुगेर खोजतलास गर्दा पनि कुनै अत्तोपत्तो नलागेपछि परिवारजन थकित र निराश थिए।
_x000D_
_x000D_
एकाएक दिल्लीस्थित नेपाली दूतावासबाट मुत्युको खबर आएपछि आश्चर्यमा परिएको दाइ गिनबहादुरले बताए।
_x000D_
_x000D_
दूतावासले गत कात्तिक १६ गते (२ नोभेम्बर) ५० वर्षीय जीतबहादुरको मृत्यु भएको जानकारीसहित शव बुझ्नको लागि परिवारलाई खबर गरिदिन जिल्ला प्रशासन कार्यालय बागलुङलाई पत्र पठाएपछि घटना बाहिर आएको हो।
_x000D_
_x000D_
दूतावासले संलग्न गरी पठाएको दिल्ली प्रहरी (पुलिस स्टेशन लोधी क्लोनी) को पत्रमा (सन् २००९ जुलाई ९ तारिख) मा दुर्घटनामा परि बस्नेत घाइते भएको उल्लेख छ।
_x000D_
_x000D_
गम्भीर घाइते बस्नेतलाई तत्काल उद्धार गरी उपचार र हेरचाहको लागि ‘शान्ति निकेतन’ नामक पुनःस्थापना केन्द्रमा पठाइएको प्रहरीको पत्रमा उल्लेख छ।
_x000D_
_x000D_
स्वास्थ्य अवस्था नाजुक बन्दै गएपछि केन्द्रमै बस्नेतको निधन भएको जनाइएको छ। गत कात्तिक १६ मै दिल्लीस्थित ‘एम्स’ अस्पतालमा ल्याइएका बस्नेतलाई चिकित्सकले आधिकारिक रुपमा मृत घोषणा गरेका थिए।
_x000D_
_x000D_
प्रहरीले बस्नेतको शव ‘एम्स’ अस्पतालको शवगृहमा राखिएको र शव बुझ्न परिवारलाई खबर गरी दिन अनुरोध गर्दै यही मंसिर ३ गते नेपाली दूतावासमा पत्र पठाएको थियो।
_x000D_
_x000D_
सोही पत्रका आधारमा जिल्ला प्रशासन कार्यालयले परिवारलाई खबर गरी शव बुझ्न मृतक बस्नेतका भाइ भारतीय सेनामा कार्यरत अमर बस्नेतलाई अधिकारप्राप्त व्यक्ति तोकेर पत्र पठाएको थियो।
_x000D_
_x000D_
दिल्लीमै रहेका बस्नेतले आइतबार पत्र बुझी सोमबार दिल्लीस्थित नेपाली दूतावास पुगेका थिए। दूतावासले शव बुझ्नको लागि आधिकारिक व्यक्ति प्रमाणित गरेर प्रहरीलाई पत्र लेखेको उनको भनाइ छ। भाइ अमर बस्नेतले प्रहरी कार्यालय र पुनःस्थापना केन्द्रमा समेत पुगेर घटनाबारे जानकारी लिएा थिए।
_x000D_
_x000D_
'मुद्दा हेरिरहेका प्रहरी अधिकृत बिदामा भएकाले आजलाई बोलाएको छ', उनले भने। मृत्युको घटना हेरिरहेको प्रहरी अधिकृत नभएपछि सोमबार शव बुझ्न नसकिएको उनको भनाइ छ।
_x000D_
_x000D_
पुनःस्थापना केन्द्रका सञ्चालकले प्रहरीको सहायतामा उद्धार गरिएको जनाएका छन्।
_x000D_
_x000D_
केन्द्र सञ्चालकका अनुसार बस्नेतलाई सरकारी गाडीले ठक्कर दिएर घाइते बनाएको थियो। 'अदालतमा मुद्दा चलेको छ भन्ने पनि थाहा भयो', बस्नेतले भने, 'घटनाबारे यथार्थ खुल्न बाँकी छ, हामी सोधखोज गर्दैछौँ।'
_x000D_
_x000D_
परिवार र आफन्तले मृत्युको घटनाप्रति आशङ्का व्यक्त गरेका छन्। मृत्युको खबर आउने तर दुर्घटना हुँदा, यतिका वर्ष पुनःस्थापना केन्द्रमा बस्दा किन खबर आएन भन्ने प्रश्न गरेका छन्।
_x000D_
_x000D_
परिवारले बस्नेत हराउने बित्तिकै दिल्ली पुगेर दरियागञ्जको प्रहरी कार्यालयमा खोजतलास गरिदिन निवेदन दिएका थिए।
_x000D_
_x000D_
हप्तौँसम्म बसेर दिल्लीमा खोजी गर्दा पनि बस्नेतको अवस्था थाहा हुन सकेको थिएन। दिल्लीबाट आफन्त भेट्न गुढगाउँ पुगेका बस्नेत फर्कँदा बाटोबाटै सम्पर्कविहीन भएका दिल्लीमै रहेका खड्क साहानीले बताए। 'दश वर्षपछि एकैचोटी मृत्युको खबर आयो', उनले भने, 'यत्रो घटना कसरी लुक्यो।'
_x000D_
_x000D_
प्रहरीका अनुसार बस्नेत सन् २००९ को जुलाईमा दिल्लीको सफदरजङ्ग विमानस्थल नजिक दुर्घटनामा परेका थिए। बस्नेत दुर्घटनामा पर्नुअघि १५ वर्षसम्म दिल्लीमै बसेर काम थरेका थिए।
_x000D_
_x000D_
'यतिका वर्षपछि भाइ नरहेको खबर आयो', दाइ गिनबहादुरले भने, 'दुःखीसँगै हामी आश्चर्यमा परेका छौँ, यस्तो कसरी भयो।'
_x000D_
_x000D_
बस्नेत सकुशल घर फर्कुन्छन् वा राम्रो खबर आउँछ कि भन्ने आशामा परिवारका सदस्य थिए।
_x000D_
_x000D_
संयुक्त परिवारबाट छुट्टिएर अलग बस्दै आएकी रत्नालाई श्रीमानकाे मृत्युले झन पीडा थपेको छ।
_x000D_
_x000D_
छोरी चिनाको बिहे भइसकेको छ भने छोरा राम पोखरामा पढ्दै छन्। पैसा कमाउन विदेशीएका श्रीमानकाे उतै निधन भएपछि उनको जीवनमा ठूलो विपद् आइलागेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
