भीमदत्तनगर– कञ्चनपुरको उत्तरी क्षेत्र चुरेमा रहेको धार्मिक पर्यटनको झिलमिला ताल संरक्षणको अभावले सङ्कटमा पर्दै गएको छ। पर्याप्त प्रचारप्रसार हुन नसक्दा झिलमिला ताल ओझेलमा परेको छ।
_x000D_
_x000D_
चुरे पहाडमा रहेको ताल सदरमुकाम महेन्द्रनगरदेखि करीब २५ किलोमिटरको दूरीमा पर्छ। एक किलोमिटर लम्बाइ र ३ सय मिटर चौडाइ रहेको उक्त तालमा भक्तजन पूजाअर्चनाका लागि जाने गर्छन्।
_x000D_
_x000D_
पहाडले घेरिएको ताल वर्षातका बेला आउने बाढी पहिरोका कारण सङ्कटमा परेको छ। तालको क्षेत्र घटदै गएको छ।
_x000D_
_x000D_
तालमा विभिन्न प्रजातिका माछासमेत पाइन्छन्। घाम परे पानीको रङ परिर्वतन हुने झिलमिलामा पूजाअर्चना गरे मनोकाङ्क्षा पूरा हुने धार्मिक विश्वास छ।
_x000D_
_x000D_
भीमदत्त नगरपालिका–९ का लालबहादुर विष्ट प्रचारप्रसारका अभावका कारण ताल ओझेलमा परेको बताउँछन्। 'सरकारी निकायको ध्यान संरक्षणतर्फ जान सकेन,' उनले भने, 'झिलमिला ताल धार्मिक पर्यटनको महत्वपूर्ण स्थल हो।'
_x000D_
_x000D_
तालमा पूजाअर्चनाका लागि भारतीय भक्तजनसमेत आउने गरेका छन्।
_x000D_
_x000D_
द्वापर युगमा १२ वर्ष बनवास र एक वर्ष गुप्तवास बस्ने क्रममा पाण्डवको बास महाभारत पर्वतमा भएको र त्यस बेला महाभारत पर्वतमा हिँड्दै गर्दा द्राैपतीलाई तिर्खा लागेर बाटोमा मुर्छित भएपछि पाण्डवले पानीको पाउन सकेनन्।
_x000D_
_x000D_
पानी नभेट्टाएपछि अर्जुनले वाण हानेपछि पानी जम्मा भएर झिलमिला ताल बनेको किवदन्ती छ। अहिले झिलमिलासम्म सघन सहरी विकास कार्यक्रमअन्तर्गत सडक निर्माण अघि बढाइएको छ।
_x000D_
_x000D_
वन विभागले वातावरणीय प्रभाव मूल्याङ्कन गर्न गरेको ढिलाइका कारण केही समय सडक निर्माण प्रभावित भएको हो।
_x000D_
_x000D_
भीमदत्त नगरपालिकाका प्रमुख सुरेन्द्र विष्टले झिलमिला ताललाई पर्यटकीय गन्तव्य बनाउन ताराकोटमा चालु आर्थिक वर्षमा पाँच तले भ्यूटावर निर्माण थालिने बताए।
_x000D_
_x000D_
गुरुयोजना बनाएर ताल संरक्षणका लागि कार्यक्रम अगाडि बढाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778036869.gif)
-1764146706.png)
