एजेन्सी– पेट्रोलियम पदार्थको मूल्यवृद्धिको विरोधमा फ्रान्समा आन्दोलन चर्केको छ। शनिबार देशभरबा १ हजार ६ सय स्थानमा भएका विरोध प्रदर्शनमा १ लाखभन्दा बढी आन्दोलनकारी सहभागी भएको बताइएको छ।
_x000D_
_x000D_
फ्रान्सको आन्तरिक मन्त्रालयका अनुसार राजधानी पेरिस बाहेक देशका अन्य स्थनामा भने आन्दोलन शान्तिपूर्ण रहेको उल्लेख गरेको छ। पेरिसमा ८ हजार भन्दा बढी आन्दोलनकारी सहभागी भएको जनाइएको छ।
_x000D_
_x000D_
_x000D_
_x000D_
भिडियाे : बिबिसी
_x000D_
_x000D_
_x000D_
‘एल्लो भेस्ट’ नाम दिइएको आन्दोलन करिब एक साताअघि नै सुरु भएको थियो। आन्दोलनकारीहरु पहेँलो कपडा लगाएर विरोधमा उत्रिएका थिए। शनिबारको आन्दोलनलाई दोस्रो चरणको आन्दोलनको संज्ञा दिइएको थियो।
_x000D_
_x000D_
शनिबार राजधानी पेरिसमा भएको विरोध प्रदर्शनमा आन्दोलनकारीहरुले सार्वजनिक स्थल तोडफोड तथा आगजनीसमेत गरेका थिए। आन्दोलनकारीको प्रदर्शन उग्र बन्न थालेपछि फ्रान्सेली प्रहरीले आन्दोलनकारीलाई तितरवितर पार्न दर्जनौं सेल अश्रु ग्यास तथा पानीको फोहोरा प्रयोग गरेको थियो।
_x000D_
_x000D_
शान्तिपूर्ण भनिएको प्रदर्शन तोडफोड र आगजनीमा परिणत भएपछि राष्ट्रपति इम्यान्युअल म्याक्रोनले घटनाको भत्र्सना गरेका छन्। उनले प्रहरी अधिकारीमाथि आक्रमण गर्ने तथा सार्वजनिक स्थलमा क्षति पुर्याउने आन्दोलनकारीको कदमलाई ‘अनैतिक’को संज्ञा दिएका छन्। ‘फ्रान्समा हिंसात्मक घटनाका लागि कुनै स्थान छैन,’ म्याक्रोनले ट्विट गरेका छन्।
_x000D_
_x000D_
डिजेलको मूल्य वृद्धिसँगै सुरु भएको आन्दोलनमा बढ्दो महँगीको समेत विरोध गर्न थालिएको छ। अन्दोलनका क्रममा म्याक्रोनको नयाँ नीतिको समेत विरोध गरिएको थियो।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
