लन्डन– बेलायतको सुरक्षामा कुनै आतङ्कवादी समूहभन्दा रूसबाट बढी खतरा रहेकोे बताइएको छ।
_x000D_
_x000D_
बेलायती सेना प्रमुख जनरल मार्क कार्लेटन–स्मिथले ‘दि टेलिग्राफ’ दैनिकमा शनिबार प्रकाशित एक अन्तर्वार्तामा बेलायतलाई इस्लामिक स्टेट (आइएस) र अलकायदाभन्दा रूसी पक्षबाट बढी खतरा रहेको बताएका हुन्।
_x000D_
_x000D_
कार्लेटन–स्मिथले भने, ‘मस्कोले आफ्नो राष्ट्रिय हितका नाममा पश्चिमी सुरक्षा सम्वेदनशील क्षेत्रमा आफ्नो सेनालाई प्रयोग गर्न चाहेको देखिएको छ।’
_x000D_
_x000D_
‘आज रूसले हाम्रो राष्ट्रिय सुरक्षामाथि आइएस वा अलकायदाले भन्दा व्यापक खतरा निम्त्याएको छ, उनले थपे, ‘रूसले बेलायत तथा पश्चिमा मुलुकमा खासगरी साइबर, स्पेस तथा सामुद्रिक सतहमूनि हुने गैर–परम्परागत क्षेत्रहरूमा योजनाबद्ध तरिकाले सुरक्षा खतरा बढाएको छ।’
_x000D_
_x000D_
सन् २०१८ मा रूस र चीनको सम्बन्ध ऐतिहासिक रूपमा नै निकै कमजोर देखिएको छ। गत मार्चमा ६६ वर्षीय पूर्व रुसी गुप्तचर सर्गेइ स्क्रिपाल र उनकी ३३ वर्षीया छोरीमाथि स्नायुप्रणालीमा असर गर्ने ‘नोभिचोक’ भनिने विषालु पदार्थबाट आक्रमण भएको र यसमा रुसी सरकारको उच्च तहबाटै हत्याको प्रयास गराएको आरोपसमेत बेलायतको छ।
_x000D_
_x000D_
रुसी सैन्य गुप्तचर एलेक्जेन्डर पेट्रभ र रुस्लान बसिरफले हत्याको प्रयास गरेको आरोप बेलायतले लगाएको छ। यद्यपि रुसले भने बेलायतको आरोप आधारहीन भएको भन्दै खण्डन गरेको थियो।
_x000D_
_x000D_
यससँगै बेलायतले केही रूसी कुटनीतिज्ञलाई देश निकाला गरेको थियो भने मस्कोले पनि ‘जस्तालाई त्यस्तै’ भन्ने खालको समान निर्णयमार्फत बेलायती कुटनीतिज्ञलाई देश छोड्न निर्देशन दिएको थियो। रासस÷एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
