काठमाडौं– परराष्ट्रमन्त्री प्रदीप ज्ञवालीले जापान सरकारलाई नेपालमा लगानी प्रवर्दनमा सहयोग गर्न आग्रह गरेको बताएका छन्।
_x000D_
_x000D_
नेपालीहरूका लागि जापानमा रोजगारी खुला गर्न तथा नेपाली वायुसेवा निगम र जापानबीच शीघ्र सिधा उडानका लागि सहयोग गर्न जापान सरकारलाई मन्त्री ज्ञवालीले आग्रह गरेका हुन्।
_x000D_
_x000D_
पाँच दिने जापान भ्रमण सकेर मन्त्री ज्ञवाली आज स्वदेश फिर्ता भएका हुन्।
_x000D_
_x000D_
जापानका विदेशमन्त्री तारो कोनोको औपचारिक निमन्त्रणमा मंसिर १ मा जापान प्रस्थान गरेका मन्त्री ज्ञवालीले जापान प्रस्थान गरेका थिए।
_x000D_
_x000D_
जापानमा रहँदा मन्त्री ज्ञवालीले नेपाल सरकारले प्राथमिकतामा राखेको आर्थिक विकासका लागि कृषि क्षेत्रको आधुनिकरण, उर्जा उत्पादन, पूर्वाधार विकास, पर्यटन तथा मानव स्रोत विकासमा जापानको सहयोगका लागि आग्रह गरेका बताए।
_x000D_
_x000D_
मन्त्री ज्ञवालीले जापानमा आयोजना भएको नेपाल लगानी सम्मेलनलाई सम्बोधन गर्दै नेपालमा लागनीका लागि जापानीहरूलाई आग्रह गरेका छन्।
_x000D_
_x000D_
मन्त्री ज्ञवालीले जापानका विदेश मन्त्री तारो र आफूबीच एक समारोहकाबीच नेपाल सरकारलाई ३ सय ५० मिलियन जापानी ऐन नेपालमा खाद्य सहायता सञ्चालन गर्न अनुदान दिने विषयमा पनि सहमति भएको बताए।
_x000D_
_x000D_
मन्त्री ज्ञवालीले जापानामा आयोजना भएको नेपाल लगानी सम्मेलनमा नेपालमा लगानीको वातावरण बनेकाले नेपालमा लगानीका लागि आग्रह गरे पनि विश्व बैंकले हालै जारी गरेको व्यापार गर्न सहज मुलुकहरूको सूचिमा नेपाल ११० औँ स्थानमा परेको छ।
_x000D_
_x000D_
विश्वका १९० देशहरूको सुचिमा नेपाल गत वर्षभन्दा पाँच स्थान खुम्चिदै ११० औँ स्थानमा परेको हो।
_x000D_
_x000D_
यस्तै पछिल्लो समय नेपालले छिमेकी देश चीन र भारतलाई मात्रै महत्व दिदैँ गएपछि नेपालका अन्य विकास साझेदार देशहरूले परराष्ट्र मन्त्रालय मार्फत नै आफनो असन्तुष्टि प्रकट गर्न थालेको छन्।
_x000D_
_x000D_
अमेरिका, युयोपियन युनियन लगायत जापानका राजदूतले नेपालको विकासमा आफनो योगदानको अवमूल्यन भएको भन्दै परराष्ट्रमन्त्रालय मार्फत नेपाल सरकारसँग असन्तुष्टि जनाएको परराष्ट्र स्रोतले जनाएको छ।
_x000D_
_x000D_
जापानबाट पछिल्लो समय दक्षिण एसियाका अन्य देशहरूमा उच्चस्तरिय भ्रमण भएपनि नेपालमा हुने सकिरहेको छैन।
_x000D_
_x000D_
जापानबाट नेपालमा उच्चस्तरीय भ्रमण हुन नसक्नुमा पनि नेपालले चीन–भारतलाई महत्व दिदैँ अरूलाई व्यवास्था गर्नु भएको स्रोतको दाबी छ।
_x000D_
_x000D_
परराष्ट्रमन्त्री ज्ञवालीको हालको जापान भ्रमणलाई जापान सरकारसँग सम्बन्ध सुधारको प्रयासका रुपमा पनि हेरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
