काठमाडौं– जिल्ला प्रहरी कार्यालय बाराले १४ वर्षअघिका दुई जना फरार अपहरणकारीलाई पक्राउ गरेको छ। पक्राउ पर्नेमा बारा सुवर्ण गाउँपालिका–७ का गजिन्द्र राय र सोही ठाउँका शिवधारी महरा छन्।
_x000D_
_x000D_
उनीहरुले १४ वर्षअघि २०६१ चैत २८ गते १२ बजे बाराको साविकको झिटकैया गाविस–१ का शिवशंकर शाह तेलीलाई अपहरण गरेका थिए।
_x000D_
_x000D_
अपहरणपछि तेलीलाई उनीहरुले बेच्ने उदेश्यले भारतको बिहारपूर्वी चम्पारण महुअवा थाना अन्तगत चनरमन गाउँ बस्ने सुरेन्द्र बरैको घरमा बन्धक बनाई राखेका थिए। पछि नेपाल प्रहरी र भारतीय प्रहरीको संयुक्त प्रयासमा २०६२ बैसाख ११ गते तेलीको उद्धार गरिएको थियो।
_x000D_
_x000D_
फरार दुवैलाई बारा प्रहरीले आफ्नै गाउँमा लुकेर बसेको अवस्थामा पक्राउ गरेको हो।
_x000D_
_x000D_
दुवैलाई बारा जिल्ला अदालतबाट पुर्पक्षका लागि थुनामा राख्न आदेश भएसँगे उनीहरुलाई बिहीबार वीरगन्ज कारागार पठाइएको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
