विराटनगर– प्रदेश १ का मुख्यमन्त्री शेरधन राईले जनताको आशालाई मर्न नदिन उत्साहजनक कार्यक्रमको थालनी गर्न मन्त्री र सचिवहरुलाई निर्देशन दिएका छन्।
_x000D_
_x000D_
मुख्यमन्त्री तथा मन्त्रिपरिषद्को कार्यालयमा बिहीबार भएको मन्त्रालयगत प्रगति समिक्षा कार्यक्रममा राईले भने, ‘जनतामा निराशा छाउँदै गएको छ। सरकारले परिणाममुखी काम गर्न नसकेको आरोप लाग्दैछ। जनतामा उत्साह र विश्वास हामीले नै जगाउने हो, त्यसैअनुरुप कार्यक्रम आउनुपर्यो।’
_x000D_
_x000D_
जनताको आवश्यकता र चाहनालाई ध्यानमा राखेर काम गर्नुपर्ने मुख्यमन्त्री राईको सुझाव थियो। ‘जनताको आशालाई मर्न दिनु हुँदैन,’ उनले थपे, ‘बजेट कार्यान्वयन गर्न आवश्यक पर्ने सबै संयन्त्र १५ दिन भित्र तयार गर्नुस्।’
_x000D_
_x000D_
सरकार काम गर्ने विन्दुमा प्रवेश गरिसकेको स्मरण गराउँदै १५ दिनभित्र सबै संयन्त्र चलायमान बनाई काम अगाडि बढाउन उनले निर्देशन दिए। ‘अधिकांश संरचनाहरु प्रदेश मातहत आएका छन्, हामी काम गर्ने बिन्दुमा प्रवेश गरिसकेका छौं,’ राईले भने, ‘आर्थिक वर्षको बाँकी समय खेर नजाने गरी सरकारका काम अघि बढ्नुपर्छ।’
_x000D_
_x000D_
सरकार र कर्मचारीलगायत सम्पूर्ण संयन्त्रको ध्यान बजेट कार्यान्वयनमा केन्द्रित हुनुपर्ने राईले बताए। ‘अब बाहानाबाजी चल्दैन’, राईले भने, ‘कर्मचारी भएनन्, समय पुगेन भनेर कसैले उम्किने ठाउँ छैन।’
_x000D_
_x000D_
कसैले पनि हिनताबोधको भाव प्रकट नगरी दृढ इच्छाशक्ति, जोश र जाँगरका साथ काम गर्न मुख्यमन्त्री राईले निर्देशन दिए। बुधबार प्रदेश १ अन्तर्गत सबै मन्त्रालयका सचिवहरुले कामको प्रगति विवरण प्रस्तुत गरेका छन्।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
