काठमाडौं– सत्तारुढ नेपाल कम्युनिष्ट पार्टी (नेकपा)ले पार्टीको सांगठनिक एकीकरणको कामबारे आवश्यक निर्णय लिन स्थायी समिति बैठक बोलाउने निर्णय गरेको छ।
_x000D_
_x000D_
बिहीबार बसेको पार्टी सचिवालय बैठकले सांगठनिक एकीकरण र पार्टी केन्द्रीय सदस्यहरुको कामको बाँडफाँटका लागि आवश्यक निर्णय लिन स्थायी समिति बैठक बोलाउने निर्णय गरेको हो।
_x000D_
_x000D_
प्रधानमन्त्री निवास बालुवाटारमा बसेको बैठकमा कार्यदलले तयार पारेको संगठन एकीकरण र पार्टी केन्द्रीय सदस्यको जिम्मेवारी बाँडफाँटसम्बन्धी प्रस्ताव पेस गरिएको थियो। सो प्रस्तावलाई अन्तिम रुप दिन भोलि(शुक्रबार) पुनः सचिवालयको बैठक बोलाउने निर्णय पनि गरिएको पार्टीका प्रवक्ता नारायणकाजी श्रेष्ठले जानकारी दिए।
_x000D_
_x000D_
महासचिव विष्णु पौडेल र सचिवालय सदस्य रामबहादुर थापा रहेको दुई सदस्यीय कार्यदलले सांगठनिक एकीकरण र पार्टी केन्द्रीय सदस्यहरुको जिम्मेवारी बाँडफाँटका लागि प्रस्ताव तयार पारेको थियो। सोही प्रस्ताव सचिवालय बैठकमा पेस गरिएको हो।
_x000D_
_x000D_
बैठकमा असन्तुष्ट केही केन्द्रीय सदस्यहरुले केन्द्रीय कार्यसमितिको बैठक बोलाउन गरेको मागका विषयमा पनि छलफल गरिएको थियो। २२ जना केन्द्रीय सदस्यहरुले केन्द्रीय कार्यसमिति बैठक बोलाउन माग गरेको विषयलाई पनि भोलिको सचिवालय बैठकमा ऐजन्डा बनाएर छलफल गर्ने निर्णय गरिएको प्रवक्ता श्रेष्ठले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
