काठमाडौं– मर्स्याङ्दी नदीमा ‘जल खेलकुद प्रतियोगिता’ आयोजना हुने भएको छ।
_x000D_
_x000D_
नेपाल एसोसिएसन अफ र्याफ्टिङ एजेन्सिज (नारा)ले बिहीबार काठमाडौंमा पत्रकार सम्मेलन गरी आगामी शनिबार, आइतबार र सोमबार लमजुङस्थित मर्स्याङ्दी नदीमा जल खेलकुद प्रतियोगिता आयोजना गर्न लागिएको जानकारी गराएको हो।
_x000D_
_x000D_
‘हिमालयन ह्वाइट वाटर च्यालेन्ज’ नाम दिइएको सो जल खेलकुद प्रतियोगिता ‘नेपाल पर्यटन वर्ष–२०२०’लाई सफल बनाउने उद्देश्यका साथ आयोजना गरिएको नाराका महासचिव शिव अधिकारीले जानकारी दिए।
_x000D_
_x000D_
प्रतियोगितामा ४ सय जना सहभागी हुनेछन्। प्रतियागितामा तीन वटा खेल सञ्चालन गरिने अधिकारीले बताए। जसअनुसार कायक डाउन रिभर रेसमा प्रथम हुनेलाई ५० हजार, द्धितिय हुनेलाई ३० हजार र तृतिय हुनेलाई २० हजार रुपैयाँ नगदसहितको पुरस्कार प्रदान गरिने छ।
_x000D_
_x000D_
त्यसैगरी एक्ट्रिम कायक स्लालोम र बोटर क्रस गेममा प्रथम हुनेलाई ५० हजार, द्धितिय हुनेलाई ३० हजार र तृतिय हुनेलाई २० हजार रुपैयाँ नगदसहितको पुरस्कारको व्यवस्था गरिएको पनि महासचिव अधिकारीले बताए।
_x000D_
_x000D_
प्रतियोगिताका लागि ४९ लाख ४२ हजार रुपैयाँ बजेट लाग्ने अनुमान गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
