काठमाडौं– सहीद स्मारक ‘ए’ डिभिजन लिगमा पहिलो सहभागिता जनाएको च्यासल युथ क्लबले पहिलो जित निकालेको छ।
_x000D_
_x000D_
दुई चरणका खेलहरु समाप्त हुँदासम्म जीत निकाल्न नसकेको च्यासलले बिहीबार भएको तेस्रो चरणको पहिलो खेलमा न्यूरोड टिम एनआरटीलाई ५–१ को फराकिलो अन्तरले पराजित गरेको हो।
_x000D_
_x000D_
च्यासलले पहिलो खेलमा मछिन्द्रसँग गोलरहित बराबरी खेलेको थियो भने दोस्रोमा त्रिभुवन आर्मीसँग १–० ले पराजित भएको थियो।
_x000D_
_x000D_
बिहीबार च्यालसका लागि अमिर श्रेष्ठ र विमल घर्तिमगरले २–२ गोल गरे। अमिरले खेलको १४ र २९ मिनेटमा गोल गरे। युरोप जाने योजना केहि सयम पर सारेका विमलले खेलको ५६ र ८५ मिनेटमा गोल गरे। च्यासलका लागि सन्तोष साहुखलले ६३ मिनेटमा गोल थपेका थिए।
_x000D_
_x000D_
एनअारटीका लागि दोस्रो हाफको इन्जुरी टाइममा विदेशी खेलाडी मोसुद अग्बोलाले गोल गरे।
_x000D_
_x000D_
एनआरटीले पनि जारी लिगमा जीत निकाल्न सकेको छैन। उद्घाटन खेलमा त्रिभुवन आर्मीसँग अङ्क बाँडेको एनआरटी दोस्रो खेलमा मनाङ–मस्र्याङ्दीसँग पराजित भएको थियो।
_x000D_
_x000D_
जितसँगै च्यासल ४ अंक जोडेर अंका तालिकाको चौथो स्थानमा उक्लिएको छ। एनआरटी एक अङ्कका साथ लिग तालिकाको १०औँ स्थानमा छ।
_x000D_
_x000D_
आज शुरु हुने तेस्रो चरणको खेलहरु मङ्सिर ८ गतेसम्म सञ्चालन हुनेछ । दोस्रो चरणका खेल सकिँदासम्म शत्प्रतिशत नतिजा निकाल्दै थ्री स्टार शीर्ष स्थानमा छ भने मनाङ दोस्रो तथा सङ्कटा क्लब अङ्क तालिकाको तेस्रो स्थानमा छ । तीनै टोलीको समान ६ अङ्क भए पनि गोल अन्तरका आधारमा थ्री स्टार शीर्ष स्थानमा छ।
_x000D_
_x000D_
आजै हुने दोस्रो खेलमा लिगको उपाधि दाबेदारका रुपमा हेरिएका यी दुई टोली थ्री स्टार र मनाङ–मस्र्याङ्दी आमनेसामने हुनेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
