ब्रिसबेन– भातरविरुद्धको पहिलो टी–२० खेलमा अस्ट्रेलिया विजयी भएको छ। वर्षाले प्रभावित खेलमा घरेलु टिम अस्ट्रेलियाले भारतलाई डिएल मेथडको आधारमा ४ रनको झिनो अन्तरले पराजित गरेको हो। जितसँगै ३ खेलको सिरिजमा अस्ट्रेलियाले १–० को अग्रता लिएको छ।
_x000D_
_x000D_
१७ ओभरमा १ सय ७४ रनको लक्ष्य पछ्याएको भारतले ७ विकेटको क्षतिमा १ सय ६९ रन मात्र जोड्न सक्यो। भारतका लागि शिखर धवनले ४२ बलमा ७६ रनको योगदान दिए। उनले १० चौका र २ छक्का हिर्काए। दिनेश कार्तिकले ३० र रिशव पन्तले २० रन जोड्दा अन्य ब्याट्सम्यान चल्न सकेनन्। बलिङमा अस्ट्रेलियाका एडम जाम्पा र मार्को स्टोइनिसले २–२ विकेट लिए। ४ ओभरमा २२ रन खर्चिएका जाम्पा म्यान अफ दि म्याच भए।
_x000D_
_x000D_
त्यसअघि अस्ट्रेलियाले १७ ओभरमा ४ विकेटको क्षतिमा १ सय ५८ रन जोडेको थियो। वर्षाले खेल प्रभावित भएपछि भारतलाई १ सय ७४ रनको नयाँ लक्ष्य दिएको थियो। अस्ट्रेलियाका लागि स्टोइनिसले १९ बलमा नटआउट ३३ रन जोड्दा ग्लेन म्याक्सवेलले २४ बलमा ४६ रन र क्रिस लियोनले २० बलमा ३७ रनको योगदान दिएका थिए। बलिङमा कुलदीप यादवले २ विकेट लिए।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
