काठमाडौं– शहीद स्मारक ‘ए’ डिभिजन लिग फुटबल प्रतियोगताअन्तर्गत १० खेलाडीमा सीमित सङ्कटा क्लब विजयी भएको छ।
_x000D_
_x000D_
ललितपुरको सातदोबाटोस्थित एन्फा कम्प्लेक्समा भएको खेलमा सङ्कटाले जावलाखेल युथ क्लबलाई २–० गोलअन्तरले पराजित गरेको हो। संकटा प्रतियोगितामा लगातार दोस्रो खेलमा विजयी भएको हो । यसअघि सङ्कटाले सरस्वती युथ क्लबलाई १–० गोलअन्तरले हराएको थियो।
_x000D_
_x000D_
संकटा लागि विदेशी खेलाडी सेड्रिक अबाले खेलको ५७औं मिनेटमा गोल गरेका हुन्। खेलको १९औँ मिनेटमा एलोन म्यास्कवेलले रातो कार्ड पाएपछि संकटा १० खेलाडीमा सीमित बनेको थियो। खेलको ८५औँ मिनेटमा सेड्रिकले दोस्रो गोल गरे।
_x000D_
_x000D_
उनी म्यान अफ द म्याचसमेत भए। जीतसँगै संकटाले ६ अङ्क जोडेको छ। जावलाखेलको यो दोस्रो हार हो। पहिलो खेलमा जावलाखेल नेपाल पुलिस क्लबसँग १–० गोलले पराजित भएको थियो।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
