काठमाडौं– ओलम्पिक महिला फुटबलको एशियाली छनोटको दोस्रो चरणमा प्रवेश गरेको नेपाली राष्ट्रिय महिला फुटबल टोली स्वदेश फर्किएको छ। नेपाली टोली आज मध्यान्ह् नेपाल आइपुगेको हो।
_x000D_
_x000D_
सन् २०२० मा जापानमा आयोजना हुने ओलम्पिकका लागि म्यानमामा सम्पन्न एशिया छनोटको तीन खेलमा अपराजित रहँदै नेपाल दोस्रो चरणमा पुग्न सफल भएको थियो। नेपाली महिला फुटबलको यो ऐतिहासिक सफलता हो। छनोट प्रतियोगिताको नियमअनुसार प्रत्येक समूहका शीर्ष दुई टोली र तेस्रो हुने उत्कृष्ट दुई टोली अर्को चरणमा पुग्ने प्रावधान छ। यसैअनुसार नेपाल समूह विजेता वा उपविजेता नबने पनि उत्कृष्ट दुई घोषित हुँदै दोस्रो चरणमा पुगेको हो।
_x000D_
_x000D_
स्वदेश फर्किएपछि नेपाली टिमका प्रशिक्षक हरि खड्काले चीनमा गरेको तयारी गर्दा छनोट प्रतियोगितामा सोचेअनुरुप खेल्न सकेको बताए। 'हामीले चीनमा तयारी गरेका थियौं। तीन वटा मैत्रीपूर्ण खेल खेल्यौ,' खड्काले भने, 'त्यसले गर्दा छनोट प्रतियोगितामा धेरै नै मद्दत गरेको जस्तो लाग्छ। यसका लागि एन्फालाई धन्यवाद दिन चाहन्छौ। मैत्रीपूर्ण खेल खेल्दा कमीकमजोरी केलाएर योजना बनाउन पायौं।'
_x000D_
_x000D_
_x000D_
_x000D_
यअघि भारतसँग खेल्दा मानसिक रुपमा कमजोर मानसिकता हुने गरेको र अहिले त्यो हटाउन सकेकाले अहिले भारतलाई बराबरीमा रोक्न सफल भएको खड्काको भनाई छ। उनले भने, 'भारतसँग मानसिक रुपमा कमजोर हुने गरेका थियौं। तर हामीले पहिलो खेलमा त्यो मानसिकतालाई चिर्न सफल भयौं। भारतीय खेलाडी शारिरीक रुपमा बलियो भएपनि हामी प्राविधिक रुपमा अब्बल रहेको मैले केटीहरुलाई बताएको थिएँ। जसले गर्दा नेपाली चेलीले भारतविरुद्ध खेल्न सके। खेलमा हामीले अग्रता लिन पनि सफल भयौ। अवसर पनि पायौं। जसले गर्दा हाम्रो आत्मबल बलियो भयो।'
_x000D_
_x000D_
उनले म्यानमारविरुद्ध पनि आफ्नो रणनीति सफल भएको बताए। 'म्यानमारका मुख्य खेलाडीको कमजोरी पत्ता लगाएपछि हामीले योजना बनाएका थियौं। त्यसमा सफल भयौै। योजनाअनुसार खेलेकाले सबै श्रेय खेलाडीलाई जान्छ। उनीहरुले मिहिनेत गरेर जितको भावनाले खेलेकाले सफल भयौं,' खड्काले बताए। बंगलादेशसँग ३ अंकका लागि खेलेका बताउँदै खड्काले डिफेन्समा केहि असमझदारी हुदा गोल खाएको प्रतिक्रिया दिए।
_x000D_
_x000D_
_x000D_
_x000D_
एन्फामा नयाँ नेतृत्व आएपछि महिला फुटबललाई प्राथमिकतामा राखेको अनुभव गरेका खड्काले नेपाली महिला फुटबल दक्षिण एसियामा सम्भावना बोकेको टिम भएको दाबी गरे। लगानी बढाएको खण्डमा ठूला प्रतियोगितामा ठूला टिमसँग प्रतिस्पर्धा गर्न नेपाली महिला टिम सक्षम हुने खड्काको विश्लेषण छ।
_x000D_
_x000D_
आगामी डिसेम्बरमा नेपालमा हुने तय भएको महिला साफ च्याम्पियनसिपका लागि लक्षित भएर तयारी थाल्ने खड्काले बताए। 'भारतविरुद्ध पहिले गोल गर्न सफल भयौं। केहि अवसर पनि सिर्जन गरेका थियौ। जसले गर्दा नेपालको आत्मविश्वास बढेको छ। यहि स्तरलाई कायम राखे साफ च्याम्पियनसिपमा राम्रो नतिजा आउनेछ,' उनले थपे ,'राम्रा टिमसँग मैत्रीपूर्ण खेल्न पाए सहज हुनेछ।'
_x000D_
_x000D_
_x000D_
_x000D_
यस्तै नेपाली टिमकी कप्तान निरु थापाले नेपालको स्तार बढाकाले भारतसँग राम्रो खेल्न सकेको बताइन्। उनले टिम वर्क र सबै स्थानबाट साथ–समर्नथ पाएकाले नेपालले दोस्रो चरणमा स्थान बनाउन सफल भएको प्रतिक्रिया दिइन्। साफ च्याम्पपियनसिपका लागि नियमित प्रशिक्षण गरेर कमजोरी सुधार गर्नु पर्ने उनको भनाई छ।
_x000D_
_x000D_
बिहीबार स्वदेश फर्किएका नेपाली टोलीमा २२ खेलाडी, दुई प्रशिक्षक र दुई अफिसियल छन्। प्रशिक्षकमा हरि खड्का र मृगेन्द्रप्रसाद मिश्र, टोली नेतामा दीर्घबहादुर केसी र व्यवस्थापकमा कमला हीराचन थकाली रहेका छन्। नेपाली टोलीमा गोलकिपरमा एन्जिला तुम्बोप्पो सुब्बा, रुपा रानामगर, लीला लाम्गादे, डिफेन्डरमा गीता राना, रञ्जना दर्जी, हीराकुमारी भुजेल, मनमाया लिम्बू, अमृता जैसी, मेनुका गिरी, कविता धिमाल, पुनम मगर, मिडफिल्डरमा रेनुका नगरकोटी, दीपा राई, इन्दिरा राई, विमला चौधरी, दीपा अधिकारी, अनिता बस्नेत, दीपा न्यौपाने, स्ट्राइकरमा अनिता केसी, सावित्रा भण्डारी, निरु थापा र शर्मिला थापा छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
