काठमाडौं– महानगरीय अपराध महाशाखाले नक्कली प्रहरी बनेर ठगी गर्ने एक जनालाई पक्राउ गरेको छ।
_x000D_
_x000D_
महाशाखाको टोलीले वैदेशिक रोजगारीमा फसेको पैसा उठाइदिन्छु भनी महाशाखाको नक्कली प्रहरी सहायक निरीक्षक (असई) बनेर ठगी गर्ने सिन्धुपाल्चोक चौताराका ३१ वर्षीय नारायण अधिकारी भनिने नारायण विश्वकर्मालाई कात्तिक २१ गते पक्राउ गरी आज सार्वजनिक गरेको हो।
_x000D_
_x000D_
वैदेशिक रोजगारमा मकाउ जानका लागि कृष्ण चौधरीले विचौलिया खुश्वु गुरुङलाई रकम बुझाएकामा गुरुङले चौधरीलाई रकम फिर्ता नगरेपछि विकले ‘म महाशाखाको प्रहरी हुँ भनेर र केस मिलाइदिन्छु’ भनेर १ लाख रुपैयाँ मागी ठगी गरेको अनुसन्धानबाट खुलेको छ।
_x000D_
_x000D_
पक्राउ परेका विकको साथबाट प्रहरीले नगद १६ हजार रुपैयाँ, मतदाता परिचय पत्र, एनटिसी र एनसेलको सिमकार्ड बरामद गरेको छ। महाशाखाले पक्राउ परेका विकलाई मुलुकी फौजदारी अपराध (संहिता) ऐन २०७४ परिच्छेद २१ को ठगीसम्बन्धी कसुरमा आवश्यक कारबाही गर्न महानगरीय प्रहरी परिसर काठमाडौं पठाइएको जनाएको छ। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786783778.jpg)
-1786602170.png)
