विराटनगर– मोरङ र सुनसरीका विभिन्न स्थानबाट आइतबार राति प्रहरीले ११ जना जुवाडेलाई पक्राउ गरेको छ।
_x000D_
_x000D_
मोरङको विराटनगर महानगरपालिका–१६ स्थित गोपाल यादवबाट ८ जना पक्राउ परेका छन्। राति २ बजे जुवा–तास खेलिरहेको अवस्थामा घरधनी यादव, विराटनगर–१६ का ५४ वर्षीय सुरेशप्रसाद मण्डल, ४० वर्षीय राजकिशोर यादव, १८ वर्षीय सोनु तत्मा, ५१ वर्षीय विष्णुकुमार अर्जेल, २८ वर्षीय नवीन महतो, १८ वर्षीय रोहित दास र ४८ वर्षीय ज्ञानेन्द्र कार्कीलाई पक्राउ गरिको इलाका प्रहरी कार्यालय रानीले जनाएको छ।
_x000D_
_x000D_
जुवाको खालबाट तास र कौडासहित नगद २८ हजार ३ सय ५६ रुपैयाँ बरामद भएको प्रहरीको भनाइ छ।
_x000D_
_x000D_
यस्तै, सुनसरीको ईटहरी उपमहानगरपालिका–२० स्थित कविता भट्टराईको घरबाट ३ जना पक्राउ परेका छन्।
_x000D_
_x000D_
राति १२ बजे जुवा खेलिरहेको अवस्थामा स्थानीय ३७ वर्षीय अशोक बस्नेत, २८ वर्षीय महेन्द्र खड्का र ४६ वर्षीय नेत्रबहादुर कार्कीलाई पक्राउ गरिएको इलाका प्रहरी कार्यालय ईटहरीले जनाएको छ। उनीहरुको साथबाट कौडा र नगद १५ हजार बरामद भएको प्रहरीले जनाएको छ।
_x000D_
_x000D_
पक्राउ परेका ११ जनालाई आवश्यक कारबाहीको लागि नियन्त्रणमा राखिएको प्रहरीले जानकारी दिएको छ।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
