काठमाडौं– निर्मलाका लागि न्याय अभियानले डिएनए परीक्षणका लागि भन्दै संकलन गरिएको नमुना रगत जिल्ला प्रशासन कार्यालय, काठमाडौंमा बुझाएको छ।
_x000D_
सो अभियानले शनिबार बानेश्वरमा रगत संकलन गरेको थियो।
_x000D_
_x000D_
निर्मला पन्तको बलात्कारपछि हत्या भएको सय दिन नाघिसक्दा समेत सरकारले दोषी पत्ता लगाउन सकेको छैन। बरु सामूहिक डिएनए परीक्षण गर्ने खबर सार्वजनिक भएसँगै अभियानले सांकेतिक र व्यंग्यात्मक विरोधको शैली अपनाएको हो।
_x000D_
_x000D_
'निर्मलाको लागि न्याय खोज्ने कार्यमा दबाब दिनको लागि हिजो निर्मलाको निम्ति न्यायको खोजीमा रहेका अभियन्ताहरुले काठमाडौंको नयाँ बानेश्वरमा सांकेतिक रुपमा रगतको नमूना संकलन गरेका छौं', जिल्ला प्रशासन कार्यालयमा बुझाइएको पत्रमा भनिएको छ, 'सो नमूनालाई सम्बन्धित निकायमा पठाई जाँच गराइदिनुहुन तथा आवश्यक परे उक्त समयमा भीमदत्त नगरपालिकामा रहेका सबै सम्बन्धित पुरुष व्यक्तिहरुको नमूना संकलन गरी त्यसको डिएनएसँग निर्मलाको योनीको स्वाबको डिएनए परीक्षण गर्न पनि आग्रह गर्दछौं।'
_x000D_
_x000D_
अभियान अन्तर्गत यसअघि पनि विभिन्न किसिमको सांकेतिक विरोधको कार्यक्रम हुनेगरेका थिए।
_x000D_
_x000D_
निवेदकहरू चारू गजुरेल, चेवन घिमिरे, शशी विक्रम कार्की लगायतको समूहले सिडिओ कार्यालयमा गएर संकलित रगतको नमूना बुझाएको हो।
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
