पोखरा- पोखरा प्रिमियर लिग (पिपिएल) टी-२० क्रिकेट प्रतियोगिताअन्तर्गत हुलास काठमाडौं रोयल्सले पोखरा पल्टनलाई १ सय ४ रनको कमजोर लक्ष्य दिएको छ।
_x000D__x000D_
शनिबार पोखरा रंगशालामा टस हारेर पहिले ब्याटिङ गरेको काठमाडौं १९.१ ओभरमा १ सय ३ रनमै अलआउट भयो।
_x000D__x000D_
काठमाडौंका लागि कप्तान ज्ञानेन्द्र मल्लले सबैन्दा बढी ३१ रन जोडे। उनले २८ बलमा ३ चौका र १ छक्का प्रहार गरे। बसन्त रेग्मीले नटआउट १९ रन बटुले। बसन्तले १२ बलमा १ चौका र २ छक्का प्रहार गरेर काठमाडौंकाो इनिङ उकासेका थिए।
_x000D__x000D_
कमजोर ब्याटिङ गरेको काठमाडौंका ओपनर जयकिशन कोल्सावाला खाता नै नखोली पेलिभियन फर्काए। लगत्तै मैदान आएका गौरव तोमार डकआउट भए। दुवैलाई पोखराका मोहमद नावेदले पेभिलियनको बाटो देखाए।
_x000D__x000D_
त्यसपछि ओपनर अमित श्रेष्ठ १७ बलमा २१ रन बनाएर आउट भए। उनले ३ चौका र १ छक्का हिर्काए। पवन सर्राफले १२ रन भन्दा बढी जोड्न सकेनन्। नरेश बुढाऐर ६ रन, आदिल खान ७ रन, अमरसिंह रटेउला १ रनमा आउट भए। सुसन भारी र नन्दन यादवले खाता खोल्न सकेनन्।
_x000D__x000D_
बलिङमा पोखराका स्पिनर ललितनारायण राजवंशीले ३ विकेट लिए। उनलेे ४ ओभरमा १८ रन खर्चिए। मोहमद नावेद र रासिद खानले २-२ विकेट हात पारे। १ विकेट विक्रम यादवको नाममा रह्यो।
_x000D__x000D_
खेलमा जित हात पर्ने टिम दोस्रो चरणमा पुग्ने सम्भावना बढी हुन्छ। लिगको शीर्ष टिम सिधै फाइनलमा पुग्नेछ। दोस्रो र तेस्रो हुने टिम इलिमिनेटका लागि प्रतिस्पर्धा गर्नेछन् भने पुछारका ३ टिम बाहिरिनेछन्।
_x000D__x000D_
अन्तिम खेलमा शनिबार दिउँसो चितवन राइनोज र विराटनगर टाइटन्सबीच प्रतिस्पर्धा हुनेछ। खेलबाट दोस्रो चरणमा पुग्ने ३ टिमको टुंगो लाग्नेछ।
_x000D__x000D_
अंक तालिका
_x000D__x000D_
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।