पोखरा- पोखरा प्रिमियर लिग (पिपिएल) टी-२० क्रिकेट प्रतियोगितामा एक्स्पर्ट धनगढी ब्लुजले शुक्रबार पोखरा पल्टनविरुद्ध समूह चरणको अन्तिम खेल खेल्दै थियो। सुरुवाती ४ मध्ये २ खेलमा हार २ खेलमा जित निकालेको धनगढीका लागि दोस्रो चरणमा पुग्न पोखराविरुद्धको खेल महत्वपूर्ण थियो।
_x000D_
_x000D_
स्वभाविक जित निकाल्ने लक्ष्यसहित मैदान उत्रिएको धनगढीले पहिले ब्याटिङ गरेको पोखरालाई १ सय ४४ रनमै समेटेको थियो। पोखराको स्कोर रोक्ने क्रममा धनगढीका तीव्र गतिका बलर कमलसिंह ऐरीले ४ विकेट लिएका थिए। यो लक्ष्य धनगढीका लागि मुस्किल थिएन। कमजोर सुरुवात गरेपनि तेस्रो नम्बरमा ब्याटिङमा आएका पिटर ट्रेगोले ५३ रन प्रहार गरेर धनगढीलाई जिततर्फ डोर्याएका थिए।
_x000D_
_x000D_
तर मध्यक्रमका अन्य ब्याट्सम्यान चल्न नसक्दा धनगढी दबाबमा परेको थियो। आसा गरिएका ड्यानियल लरेन्स ३ रनमा आउट भएका थिए भने सन्दीप जोरा ९ रन, सौरभ खनाल ३ रन र मन्जित श्रेष्ठ १ रनमै आउट भएका थिए।
_x000D_
_x000D_
यस्तो अवस्थामा कप्तान धनगढीका दीपेन्द्रसिंह ऐरीमाथि दबाब थपिएको थियो। अन्तिम २ ओभरमा २७ रनको आवश्यकता थियो। क्रिजमा थिए कप्तान दीपेन्द्रसँगै रोबिन क्षेत्री। दीपेन्द्रले १९ औं ओभरको पहिलो चार बलमा २ छक्का र अन्तिम बलमा १ रन लिँदै अन्तिम ओभरका लागि सहज बनाएका थिए। १९ ओभरमा १३ रन जोडेपछि धनगढीलाई जितका लागि अन्तिम ओभरमा १४ रन चाहिएको थियो भने हातमा २ विकेट बचेको थियो।
_x000D_
_x000D_
अन्तिम ओभरमा पोखराका कप्तान शरद भेषवाकरले अनुभवी खेलाडी मेहबुब अलामलाई बल थपाए। अलामको जिम्मा अन्तिम ओभरमा १४ रन रोक्नु थियो। तर राष्ट्रिय टिमका खेलाडी दीपेन्द्रलाई रोक्न सहज थिएन।
_x000D_
_x000D_
यस्तो अवस्थामा अलामले अन्तिम ओभर पहिलो बल नै वाइड फ्याँकेका थिए। लगत्तैको बलमा ऐरीले छक्का प्रहार गरे। दोस्रो बलमा २ रन लिँदै ऐरीले धनगढीलाई खेलमा फर्काए। तेस्रो बलमा ऐरीले रन लिन सकेनन्। फेरि चौथो बलमा ऐरीले चौका प्रहार गरे। जसले गर्दा अन्तिम २ बलमा धनगढीलाई जितका लागि १ रन चाहिएको थियो। पाँचौ बलमा पनि ऐरीले चौका नै प्रहार गर्दै धनगढीलाई २ विकेटको रोमाञ्चक जित दिलाए। ऐरीले अन्तिम ओभरमा १६ रन जोड्दा ४९ रनमा नटआउट रहे। उनले २६ बल खेलेर समान ४-४ चौका हिर्काएँ। उनी नै खेलको म्यान अफ दि म्याच भएँ।
_x000D_
_x000D_
_x000D_
_x000D_
धनगढीको जितको हिरो सावित बनेका ऐरीले अन्तिम ओभरमा कम दूरी भएको स्थानतर्फ बाउन्ड्री हान्ने सोच बनाएका थिए।
_x000D_
_x000D_
'अन्तिम ओभरमा १४ रन हान्नु पर्ने स्थिति थियो। मैले छोटो दूरी भएको दिशातर्फ बाउन्ड्री हान्ने सोच बनाएको थिए,' उनले भने, 'सुरु देखि नै आत्मविश्वास थियो। तर बीचमा विकेट छिटो छिटो गएर अलिकति दबाब भने थियो। त्यसलै क्रिजमा रहेका भाइलाई भनेका थिए तँ मलाई सिंगल दिए म हानिहाल्छु हान्ने भनेको थिए।'
_x000D_
_x000D_
_x000D_
_x000D_
जितसँगै धनगढीले समूहका पाँचै खेल खेल्दा ६ अंक जोडेको छ। ६ नै अंक जोडेको हुलास काठमाडौं रोयल्ससँग रनरेटमा पछि परेको धनगढीको दोस्रो चरणको सम्भावना बलियो छ। अन्तिम दिन शनिबार पोखरा पल्टन र काठमाडौंबीच पहिलो खेल हुनेछ। दोस्रो खेलमा चितवन राइनोज र विराटनगर टाइटन्सबीच प्रतिस्पर्धा हुनेछ। शनिबार काठमाडौंले जित हात पारे धनगढी दोस्रो चरणमा पुग्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762333419.png)
1687176504.jpg)
