पोखरा- पोखरा प्रिमियर लिग (पिपिएल) टी-२० क्रिकेट प्रतियोगिताअन्तर्गत हुलास काठमाडौं रोयल्सले बुटवल ब्लास्टर्सलाई ३७ रनले पराजित गरेको छ।
_x000D_
_x000D_
काठमाडौंले दिएको १ सय ७३ रनको लक्ष्य पछ्याएको बुटवलले २० ओभरमा ९ विकेटको क्षतिमा १ सय ३५ रन मात्र जोड्न सक्यो।
_x000D_
_x000D_
योसँगै काठमाडौं ४ खेलबाट ६ अंक जोड्दै अंक तालिकाको शीर्ष स्थानमा उक्लिएको छ। दोस्रो स्थानको एक्स्पर्ट धनगढी ब्लुज पनि ६ अंक छ। पोखरा पल्टन, चितवन राइनोज र बुटवलको समान ४-४ अंक छ। पुछारको विराटनगरको २ अंक मात्र छ। जसले गर्दा लिग चरण रोमाञ्चक बनेको छ। यसर्थ अन्तिम दिन हुने लिग चरणको २ खेलबाट दोस्रो चरणमा पुग्ने ३ टिमको टुंगो लाग्नेछ।
_x000D_
_x000D_
लिगको शीर्ष टिम सिधै फाइनलमा पुग्नेछ। दोस्रो र तेस्रो हुने टिम इलिमिनेटका लागि प्रतिस्पर्धा गर्नेछन् भने पुछारका ३ टिम बाहिरिनेछन्।
_x000D_
_x000D_
समूह चरणको अन्तिम दिन शनिबार हुलास काठमाडौं रोयल्स र पोखरा पल्टनबीच पहिलो खेल हुनेछ। अन्तिम खेलमा चितवन राइनोज र विराटनगर टाइटन्सबीच खेल हुनेछ।
_x000D_
_x000D_
शुक्रबार पोखरा रंगशालामा भएको खेलमा बुटवलका लागि रोहान मुस्ताफाले अर्धशतक प्रहार गरे। ओपनिङ ब्याट्सम्यानको रुपमा मुस्ताफा ५१ बल खेलेर ६१ रन जोडेर आउट भए। काठमाडौंका बसन्त रेग्मीको एलबिडब्लूको धरापमा पर्नुअघि उनले ५ चौका र ४ छक्का प्रहार गरे।
_x000D_
_x000D_
अर्का ओपनर सागर पुन भने १ रनमै आउट भए। चिराग सुरी ११ रन, भीम सार्की १२ रन, सिद्धान्त लोहनी १३ रन, सोमपाल कामी ४ रन, शंकर राना ४ रन र विपिन खत्री पनि मै आउट भए।
_x000D_
_x000D_
बलिङमा काठमाडौंमा अमरसिंह रटेउलाले ३ विकेट लिए। बसन्त रेग्मी र नन्दन यादवले २-२ विकेट हात पारे। गौरव तोमारको नाममा १ विकेट रह्यो।
_x000D_
_x000D_
त्यसअघि टस जितेर पहिले ब्याटिङ गरेको काठमाडौंले ४ विकेटको क्षतिमा १ सय ७२ रन जोड्यो।
_x000D_
_x000D_
काठमाडौंका लागि नरेश बुढाऐरले अर्धशतक प्रहार गरे। उनले नटआउट ५८ रन जोडे। उनले २८ बलमा ३ चौका र ५ छक्का प्रहार गरे। कप्तान ज्ञानेन्द्र मल्लले नटआउट २५ रन जोडे। ज्ञानेन्द्रले १३ बलमा २ चौका र १ छक्का हिर्काए। बुढाऐर र मल्लबीच पाँचौ विकेटका लागि ६७ रनको साझेदारी भएको थियो।
_x000D_
_x000D_
_x000D_
_x000D_
ओपनर जयकिशन कोल्सावालाले ४५ रन बटुले। उनले ३५ बलमा चौका र २ छक्का हिर्काए। अर्का ओपनर अमित श्रेष्ठ भने शुक्रबार पनि चल्न सकेनन्। उनले विपिन खत्रीबाट आउन हुनुअघि ९ बलमा ४ रन मात्र जोड्न सके। पवन सर्राफले २२ रनको योगदान दिए। रोहान मुस्ताफबाट बोल्ड हुनुअघि पवनले २२ बलमा २ चौका र १ छक्का हिर्काए।
_x000D_
_x000D_
_x000D_
_x000D_
गौरव तोमारले ११ रन जोडे। तोमारले १३ बलको सामना गर्दा २ चौका हिर्काए।
_x000D_
_x000D_
बलिङमा बुटवलका विपिन खत्रीले २ विकेट लिए। उनले ४ ओभरमा २९ रन दिए। रोहान मुस्ताफा र मोहमद सांसद शेखले १-१ विकेट लिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
