पोखरा- पोखरा प्रिमियर लिग (पिपिएल) टी-२० क्रिकेट प्रतियोगिताअन्तर्गत धनगढी ब्लुजले पोखरा पल्टनलाई २ विकेटले पराजित गरेको छ।
_x000D_
_x000D_
१ सय ४५ रनको लक्ष्य पछ्याएको धनगढीले अन्तिम १ बल बाँकी छदा ८ विकेटको क्षतिमा पूरा गर्यो।
_x000D_
_x000D_
जितसँगै धनगढीको दोस्रो चरण पुग्ने सम्भावना बलियो भएको छ। समूहका सबै खेल खेेलेको धनगढीले ५ खेलबाट ६ अंक जोड्यो। पोखराको ४ खेलबाट ४ अंक जोडेको छ। पोखराले अन्तिम खेल खेल्न बाँकी छ।
_x000D_
_x000D_
लिगको शीर्ष टिम सिधै फाइनलमा पुग्नेछ। दोस्रो र तेस्रो हुने टिम इलिमिनेटका लागि प्रतिस्पर्धा गर्नेछन् भने पुछारका ३ टिम बाहिरिनेछन्।
_x000D_
_x000D_
अन्तिम ओभरमा १४ रन चाहिएको स्थितिमा धनगढीका कप्तान दीपेन्द्रसिंह ऐरीले १६ रन जोडेका थिए। उनले अन्तिम ओभरमा ४ चौका र १ छक्का प्रहार गरेपछि धनगढीले रोमाञ्चक जित हात पारेको हो। दीपेन्द्र ४९ बलमा नटआउट रहे। उनले २६ बलमा ४ चौका र ४ छक्का प्रहार गरे।
_x000D_
_x000D_
_x000D_
_x000D_
पोखरा मैदानमा शुक्रबार भएको खेलमा धनगढीका लागि पिटर ट्रेगोले अर्धशतक प्रहार गरे। पोखराका ललितनारायण राजवंशीको बलमा विक्रम भुषासलाई क्याच हुनुअघि पिटरले ३४ बलमा ५ चौका र ४ छक्काको मद्दतमा ५३ रन जोडे।
_x000D_
_x000D_
ओपनिङ ब्याट्सम्यान सुभेन्दु पाण्डेले २२ रनको योगदान दिए। उनले १७ बलमा ४ चौका प्रहार गरे। अर्का ओपनर दिलीप नाथ भने ४ रनमै पेभिलियन फर्के। ड्यानियल लरेन्स ३ रन, सन्दीप जोरा ९ रन र सौरभ खनालले ३ रन भन्दा बढी जोड्न सकेनन्।
_x000D_
_x000D_
रासिद खानले १७ औं ओभरको दोस्रो र तेस्रो बलमा लगातार विकेट लिएपछि खेल रोमाञ्चक अवस्थामा पुगेको थियो। रासिदले धनगढीका मञ्जित श्रेष्ठलाई १ रन र कमलसिंह ऐरीलाई डकआउटको सिकार बनाएका थिए।
_x000D_
_x000D_
बलिङमा पोखराका रासिद खानले ४ विकेट लिए। रासिदले ४ ओभरमा २४ रन खर्चिए। ललितनारायण राजवंशी र विक्रम भुषालले २-२ विकेट हात पारे।
_x000D_
_x000D_
_x000D_
_x000D_
त्यसअघि टस जितेर पहिले ब्याटिङ गरेको पोखराले २० ओभरमा ८ विकेट गुमाएर १ सय ४४ रन जोड्यो।
_x000D_
_x000D_
सुस्त सुरुवात गरेको पोखारले अन्तिम ५ ओभरमा ५९ रन जोडेको थियो। अन्तिम ओभरमा आक्रामक ब्याटिङ गरेका पोखराका रासिद खानले नटआउट १५ रन जोडे। उनले ८ बलमा १-१ चौका र छक्का हिर्काए। विक्रम भुषालले ३ बलमा नटआउट ८ रन जोडे।
_x000D_
_x000D_
पोखराका लागि रोहितकुमार पौडेलले सबैभन्दा बढी ३१ रन जोडे। उनले ड्यानियल लरेन्सको बलमा एलबिडब्लूको धरापमा पर्नुअघि २१ बलमा ४ चौका र १ छक्का हिर्काए।
_x000D_
_x000D_
पोखराका ओपनर कुशल भुर्तेल ३ रनमै आउट भए। अर्का ओपनर आसिफ शेखले २३ बलमा २३ रन नै जोडे। कमलसिंह ऐरीबाट रनआउट हुनुअघि उनले २ छक्का हिर्काए।
_x000D_
_x000D_
रवि इन्दर सिंहले २८ रनको योगदान दिए। धनगढीका कमलसिंह ऐरीको बलमा विकेटपछाडि सुभेन्दु पाण्डेबाट समातिनुअघि उनले २६ बलमा समान २-२ चौका र छक्का प्रहार गरेका थिए।
_x000D_
_x000D_
_x000D_
_x000D_
पोखराका मध्यक्रमका ब्याट्सम्यान मेहबुब अलामलाई कमलसिंहले डकआउट गराएका थिए। कप्तान शरद भेषवाकरले पनि १४ रन भन्दा बढी जोड्न सकेनन्। शरदले ११ बलमा १-१ चौका र छक्का प्रहार गरे। विनोद भण्डारी पनि चल्न सकेनन्। भण्डारीलाई पनि कमलसिंह ऐरीले सन्दीप जोराबाट क्याच गराएका थिए। यस्तै मोहमद नाविद ४ बलमा ११ रन जोडेर पेभिलियन फर्के।
_x000D_
_x000D_
बलिङमा धनगढीका कमलसिंह ऐरीले ४ विकेट लिन सफल भए। कमलले ४ ओभरमा १ मडेन फ्याँक्दा २३ रन खर्चिए। यस्तै पिटर ट्रेगो, ड्यानियल लरेन्स र रोबिन क्षेत्रीले १-१ विकेट हात पारे।
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1781922122.jpg)
-1790561542.webp)
-1786602170.png)
