थिरुबन्नथापुरम्- भारतले वेस्ट इन्डिजविरुद्धको पाँच खेलको एकदिवसीय सिरिज कब्जा गरेको छ। बिहीबार भएको पाँचौ तथा अन्तिम खेलमा वेस्ट इन्डिजलाई ९ विकेटले पराजित गर्दै भारतले सिरिज ३-१ ले जितेको हो।
_x000D_
_x000D_
पाँचौ खेलमा वेस्ट इन्डिजले दिएको १ सय ५ रनको लक्ष्य भारतले १ विकेटको क्षतिमा १४.५ ओभरमा पार गर्यो। भारतका लागि रोहित शर्माले नटआउट ६३ रन र कप्तान विराट कोहलीले नटआउट ३३ रन जोडे। रोहितले ५६ बलमा ५ चौका र ४ छक्का तथा विराटले २९ बलमा ६ चौका प्रहार गरे। अर्का ओपनर शिखर धवन भने ६ रनमै आउट भए।
_x000D_
_x000D_
त्यसअघि टस जितेर पहिले ब्याटिङ गरेको वेस्ट इन्डिज ३१.५ ओभरमा १ सय ४ रनमै अलआउट भयो। वेस्ट इन्डिजका लागि जासन होल्डरले सबैभन्दा बढी २५ रन जोडे। वेस्ट इन्डिजका ८ ब्याट्सम्यान दोहोरो अंकमा रन जोड्न नपाइ आउट भएका थिए।
_x000D_
_x000D_
वेस्ट इन्डिजको इनिङ ध्वस्त पार्ने क्रममा भारतका रविन्द्र जडेजाले ४ विकेट लिए। जसप्रित बुमराह र खलिल अहमेदले २-२ विकेट हात पारे। भुवनेश्वर कुमार र कुलदीप यादवको नाममा १-१ विकेट रह्यो। जडेजा खेलको म्यान अफ दि म्याच हुँदा भारतीय कप्तान विराट कोहली प्लेयर अफ दि सिरिज भए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
