पोखरा- पोखरा प्रिमियर लिग (पिपिएल) टी-२० क्रिकेट प्रतियोगिताअन्तर्गत एक्स्पर्ट धनगढी बुल्जले बुटवल ब्लास्टर्सलाई २० रनले पराजित गरेको छ।
_x000D_
_x000D_
धनगढीले दिएको १ सय ६२ रनको लक्ष्य पछ्याएको बुटवलले २० ओभरमा ६ विकेटको क्षतिमा १ सय ४१ रन मात्र जोड्न सक्यो।
_x000D_
_x000D_
जारी प्रतियोगितामा धनगढीले दोस्रो जित हात पारेको हो।
_x000D_
_x000D_
योसँगै अंक तालिकामा विराटनगर बाहेक पाँच टिमको समान ४-४ अंक भएको छ। जसले गर्दा प्लेअफ समिकरण रोमाञ्चक मोडमा पुगेको छ। जसले गर्दा ६ टिमकै प्लेअफको सम्भावना छ। लिग चरणको शीर्ष टिम फाइनल पुग्नेछ भने दोस्रो र तेस्रो टिमले इलिमिनेटर खेल्नेछन्। पुछारका ३ टिम समूह चरणबाट बाहिरिनेछन्।
_x000D_
_x000D_
बिहीबार पोखरा रंगशालामा भएको खेलमा बुटवलका लागि चिराग सुरीले अर्धशतक प्रहार गरे। उनले नटआउट ७९ रन जोडे। तेस्रो नम्बरमा ब्याटिङमा आएका उनले ५४ बलमा १२ चौका र १ छक्का हिर्काएपनि टिमलाई जिताउन सकेनन्। प्रकास केसीले नटआउट ४ रन जोडे।
_x000D_
_x000D_
त्यसअघि ओपनर सागर पुन १ रनमै आउट भए। ओपनिङमा आएका रोहान मुस्ताफा २० रनमा रनआउटको सिकार भएका थिए। उनले १९ बलमा २ चौका र १ छक्का प्रहार गरे। भीम सार्की ५ रन बनाएर खेलिरहदा सागर ढकालको एलबिडब्लूको धरापमा परेका थिए। त्यहि ओभरमा सागरले शंकर रानालाई गोल्डन डकआउट गर्ने क्रममा बोल्ड गरे। सिद्धान्त लोहनीलाई १२ रनमा धनगढीका ड्यानिलय लोरेन्सले बोल्ड गरे। कप्तान सोमपाल कामी पनि १२ रनमै आउट भए।
_x000D_
_x000D_
बलिङमा धनगढीले सागर ढकालले २ विकेट लिए। ड्यानियल लरेन्स र कमलसिंह ऐरीले १-१ विकेट लिए।
_x000D_
_x000D_
_x000D_
_x000D_
त्यसअघि टस जितेर पहिले ब्याटिङ गरेको धनगढीले २० ओभरमा ४ विकेट गुमाएर १ सय ६१ रन जोड्यो।
_x000D_
_x000D_
धनगढीका लागि मध्यक्रमका ब्याट्सम्यानद्वय ड्यानियल लरेन्स र कप्तान दीपेन्द्रसिंह ऐरीले अर्धशतक प्रहार गरे। अन्तिम ओभरको पहिलो बलमा अभिनास बोहराबाट बोल्ड हुुनुअघि उनले ३९ बलमा ३ चौका र २ छक्का प्रहार गरे। ऐरीले नटआउट ५६ रन जोडे। ३९ बलमा ४ चौका र १ छक्का प्रहार गरे। सौरभ खनालले ४ बलमा नटआउट १३ रन जोडे। ऐरी र ड्यालियलबीच चौथो विकेटका लागि १ सय ८ रनको साझेदारी गरेका थिए।
_x000D_
_x000D_
त्यसअघि ओपनरद्वय दिलीप नाथ र सुभेन्दु पाण्डे १०-१० रन जोडेर आउट भए। दिलीपले १५ बलमा १ चौका र सुभेन्दुले १५ बलमा ४ चौका प्रहार गरे। पिटर ट्रेगोले १४ रन जोडे। ट्रेगोले बुटवलका विपिन खत्रीबाट बोल्ड हुनुअघि ८ बलमा १-१ चौका र छक्का प्रहार गरे।
_x000D_
_x000D_
बलिङमा बुटवलका विपिन खत्रीले २ विकेट लिए। अभिनास बोहरा र रोहान मुस्ताफाले १-१ विकेट लिए।
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
.jpg)
-1763721444.png)
