पोखरा- पोखरा प्रिमियर लिग (पिपिएल) टी-२० क्रिकेट प्रतियोगिताअन्तर्गत चितवन राइनोजले लगातार दोस्रो जित हात पार्दै दोस्रो चरण पुग्ने सम्भावना कायमै राखेको छ। चितवनले बिहीबार भएको खेलमा हुलास काठमाडौं रोयल्सलाई १३ रनले पराजित गर्दै प्लेअफ सम्भावना कामयै राखेको हो।
_x000D_
_x000D_
चितवनले यसअघि लगातार दोस्रो खेलमा पराजय भोेगेपछि प्लेअफ सम्भावना कठिन बनेको थियो। यता लगातार २ जित हात पारेको काठमाडौंले भने पहिलो हार बेहोर्यो। काठमाडौंले अझ २ खेल खेल्न बाँकी छ। काठमाडौं र चितवनको अंक भने समान ४-४ छ।
_x000D_
_x000D_
पोखरा रंगशालामा बिहीबार भएको खेलमा चितवन राइनोजले दिएको १ सय ५० रनको लक्ष्य पछ्याएको काठमाडौंले २० ओभरमा ९ विकेटको क्षतिमा १ सय ३६ रन मात्र जोड्न सक्यो।
_x000D_
_x000D_
अन्तिम ओभरमा जितका लागि १७ रन चाहिएपनि चितवनका कप्तान पारस खड्काले ३ रन दिँदा १ विकेट लिए।
_x000D_
_x000D_
काठमाडौंका लागि ओपनिङ ब्याट्सम्यान गौरव तमोरले ३९ रन जोडे। यसअघिका २ खेलमा लगातार २ अर्धशतक प्रहार गरेका उनले ३५ बलमा ४ चौका र १ छक्का प्रहार गरे। ओपनिङ ब्याटसम्यान जयकिशन कोल्सावालाले १४ बलमा १८ रन जोडे। उनले ४ चौका प्रहार गरे। अर्का ओपनिङ ब्याट्सम्यान अमित श्रेष्ठ भने १ रनमै पेभिलियन फर्किए।
_x000D_
_x000D_
पवन सार्राफले २८ रन जोडे भने कप्तान ज्ञानेन्द्र मल्लले ३० रन जोडे। पवनले २२ बलमा ३ चौका र १ छक्का प्रहार गरे। करण केसीबाट बोल्ड हुनुअघि कप्तान ज्ञानेन्द्रले ३ चौका र १ छक्का हिर्काए। नरेश बुढाऐर भने २ रनमा रनआउट भएका थिए। पृृथु बाँस्कोटा ४ रन बनाएर खेलिरहदा भुवन कार्कीबाट बोल्ड भएका थिए।
_x000D_
_x000D_
१९ औं ओभरको अन्तिम बलमा अमरसिंह रटेउला ७ रनमा आउट भए। उनले करण केसीको बलमा क्याचआउट हुनुअघि ७ बलमा १ छक्का हिर्काए। जसले गर्दा खेल चितवनको पक्षमा पुगेको थियो। नन्दन यादव १ रनमा आउट हुँदा
_x000D_
_x000D_
बलिङमा करण केसीले ३ विकेट लिए। उनले ४ ओभरमा ३४ रन खर्चिए। कप्तान पारस खड्काले २ विकेट लिए। सनी पटेल, स्मित पटेल र भुवन कार्कीले समान १-१ विकेट लिए।
_x000D_
_x000D_
त्यसअघि टस हारेर ब्याटिङ गरेको चितवनले २० ओभरमा ५ विकेटको क्षतिमा १ सय ४९ रन जोड्यो।
_x000D_
_x000D_
चितवनका लागि हरिशंकर साहले अर्धशतक प्रहार गरे। ओपनिङमा आएका हरिशंकरले ६० रन जोडे। लगातार दोस्रो खेलमा अर्धशतक प्रहार गर्ने क्रममा हरिले ४९ बलमा ५ चौका र ३ छक्का प्रहार गरे। उनले पहिलो विकेटका लागि अनिलकुमार साहसँग ५४ रनको साझेदारी गरेका थिए। यसअघि हरिले बुधबार एक्पर्ट धनगढी बुल्जविरुद्ध ५३ रन प्रहार गरेका थिए।
_x000D_
_x000D_
_x000D_
_x000D_
कप्तान पारस खड्काले १४ रन जोडे। उनले १४ बलमा १ छक्का हिर्काए। पारसलाई काठमाडौंका नन्दन यादवले बोल्ड गर्दै पेभिलियनको बाटो देखाएका थिए। ओपनिङ ब्याट्सम्यान अनिलकुमार साहले २७ रन जोडे। काठमाडौंका बसन्त रेग्मीको एलबीडब्लूको धरापमा पर्नुअघि अनिलले २७ बलमै ३ चौका र १ छक्का हिर्काए।
_x000D_
_x000D_
स्मित पटेलले २४ बलमा ३१ रन जोेडे। पवन सार्राफबाट रनआउट हुनुअघि उनले ३ चौका र १ छक्का हिर्काए। सनी पटेल ७ बलमा १३ रन जोडेर आउट भए।
_x000D_
_x000D_
बलिङमा बसन्त रेग्मीले २ विकेट लिए। नन्दन यादव र पवन सार्राफले १-१ विकेट हात पारे।
_x000D_
_x000D_
खेलका दौरान काठमाडौंका अमरसिंह रटेउला घाइते हुँदै मैदान छाड्न बाध्य भएका थिए। १७औं ओभरमा हरिशंकर साहको प्रहार खुट्टाले रोक्ने क्रममा उनी घाइते भएका थिए। जसले गर्दा उनले अन्तिम बल गर्न सकेनन्। अन्तिम बल पवन सर्राफले गरेका थिए। अमर बाहिर निस्किएपछि काठमाडौंले सुमित झालाई मैदान छिराएको थियो।
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
.jpg)
-1763721444.png)
