पोखरा- पोखरा प्रिमियर लिग (पिपिपएलट) टी-२० क्रिकेट प्रतियोगिताको सुरुवाती ३ खेलमा पराजित भएपछि विराटनगर टाइटन्सका कप्तान तथा राष्ट्रिय टिमका स्टार बलर सन्दीप लामिछानेमाथि दवाब बढेको थियो। विदेशी फेन्चाइच लिगमा लगातार छनोट भएर चर्चित बनेका सन्दीपको स्वयंको पनि प्रदर्शन राम्रो हुन सकिएको थियो।
_x000D_
_x000D_
यस्तो अवस्थामा विराटनगरले बुटवल ब्लास्टर्सविरुद्ध बुधबार चौथो खेल खेल सन्दीपमाथि चुनौती थपिएको थियो। पोखरा मैदानमा टस जितेका सन्दीपले टस जितेर पहिले ब्याटिङ गर्ने निर्णय गरे पनि सोचेअनुरुप योगफल तयार पर्न सकेनन्। विराटनगरले २० ओभरमा ७ विकेटको क्षतिमा १ सय ४० रन मात्र जोड्न सफल भयो। विराटनगरका लागि मोहमद जियाद अलामले ७२ रन र प्रदीप ऐरीले ४१ रन जोड्दा अन्य ब्याट्सम्यानले दोहोरो अंकमा रन जोड्न सकेनन्।
_x000D_
_x000D_
जवाफ ब्याटिङ गरेको बुटवलविरुद्ध विराटनगरले बलिङ भने राम्रो गर्न सफल भयो। बुटवलबाट खेलिरहेका युएईका खेलाडीद्वय चिराग सुरु ० र रोहान मुस्ताफा १ रनमा आउट भएपछि विराटनगरले बलिङमा राम्रो सुरुवात पाएको थियो। तर भीम सार्की (५० रन) र शंकर रानाले (२३ रन) राम्रो ब्याटिङ गर्दै बुटवलको इनिङ मजबुत बनाएका थिए। सार्की रनआउट भएका थिए भने रानालाई सन्दीपले बोल्ड गरेका थिए।
_x000D_
_x000D_
सन्दीपले १५औं ओभरमा राना र प्रकास केसीलाई बोल्ड गर्दा खेल रोमाञ्चक मोडमा पुगेको थियो। जसले गर्दा खेल अन्तिम ओभरसम्म लम्बिएको थियो। अन्तिम ओभरमा बुटवललाई जितका लागि १३ रन चाहिएको थियो भने हात बाँकी थियो ३ विकेट। क्रिजमा थिए सांसद शेख र सिद्धान्त लोहनी। यस्तो अवस्थामा सन्दीपले तीव्र गतिका बलर किशोर महतोलाई बल सुम्पिए। महतोको काँधमा १३ रन रोकेर विराटनगरलाई पहिलो जित दिलाउने जिम्मा थियो।
_x000D_
_x000D_
महतोको अन्तिम ओभरको पहिलो बलमा स्ट्राइकमा रहेका मोहमद सांसद शेखले रन जोड्न सकेनन्। दोस्रो बलमा पनि शेखको ब्याट र बलबीच कनेन्ट हुन सकेन। तर रन लिन कुद्ने क्रममा सिद्धान्त लोहनी आउट भए। चार बल बाँकी रहदा विपिन खत्री मैदान छिरे। तर चारै बलमा खत्रीले कुनै रन जोड्न नसक्दा विराटनगरले १२ रनको जित निकाल्न सफल भयो। अन्तिम ओभर मेडन फ्याँकेर विराटनगरको जितमा महत्वपूर्ण प्रदर्शन गर्ने क्रममा महतोले ४ ओभरमा १२ खर्चिए भने २ विकेट लिए।
_x000D_
_x000D_
_x000D_
_x000D_
खेलपछि महतोले अन्तिम ओभरमा आफूले बनाएको योजना सफल भएको प्रतिक्रिया दिए। 'अन्तिम ओभरमा १३ रन रोक्नु पर्दा दबाब त हुन्छ नै। तर पनि टिमका सबै खेलाडीले प्रेरणा दिइरहेका थिए,' किशोरले अन्तिम ओभरबारे भने, 'डट बल फ्याँक्न मै केन्द्रित थिएँ। पहिला अफ स्टम्ट र पछि बाउन्सर बल फ्याँक्ने योजना थियो। त्यसमा सफल भए।'
_x000D_
_x000D_
विराटनगरका कप्तान सन्दीप पनि किशोरको अन्तिम ओभरलाई उत्कृष्ट भन्छन्। 'किरोशको अन्तिम ओभर हेर्नलायक थियो। उसले पहिलो खेलमा खेल्न नपाएर पनि राम्रो कमब्याक गर्न सक्नु महत्वपूर्ण कुरा हो,' सन्दीपको भनाइ छ।
_x000D_
_x000D_
पिपिएलमा पहिलो जित हात पारे पछि सन्दीपले राहत महसुस गरेका छन्। भन्छन्,'प्रतियोगिता सुरु भएदेखि नै यस्तै प्रदर्शन चाहाथ्यौं आज त्यसमा सफल भयौं। सबै खेलाडीको मिहिनेतले यो सम्भव भयो।'
_x000D_
_x000D_
दोस्रो चरणमा पुग्ने सम्भावना कमजोर भएपनि आफ्नो ध्यान दोस्रो चरण भन्दा जितमा केन्दीत हुने सन्दीपको भनाइ छ। 'हामी अन्तिम खेलमा राम्रो खेल्ने योजनामा छै। अंक तालिकामा ध्यान दिँदैनौ।'
_x000D_
_x000D_
विराटनगरले लिगको अन्तिम खेलमा चितवन राइनजोविरुद्ध खेल्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
.jpg)
-1763721444.png)
