काठमाडौं– अख्तियार दुरुपयोग अनुसन्धान आयोगको टोलीले केही समयअघि मात्रै महानगरीय प्रहरी वृत बौद्धका डिएसपी श्यामकुमार राइलाई १ लाख ३० हजार घुससहित रंगेहात उनकै कार्यकक्षबाट पक्राउ गरेको थियो।
_x000D_
_x000D_
उनले घुस खाने गरेको भन्दै गएको असार २८ गते नै अख्तियारमा उजुरी परेको थियो। लामो प्रयासपछि अख्तियारले उनलाई घुससहित रंगेहात पक्राउ गर्न सफल भएको थियो। डिएसपी राई पक्राउ परेभन्दा केही समय पहिला अख्तियारकै टोलीले कोटेश्वर र काँडाघारीको प्रहरी कार्यालयका जवानदेखिदेखि असईसम्म ८ जनालाई घुससहित पक्राउ गरेको थियो।
_x000D_
_x000D_
केही दिनअघि मात्रै अख्तियारकै टोलीले सशस्त्र प्रहरी बल धनुषाका सहायक हवल्दार चन्देश्वर गिरीलाई ११ हजार रुपैयाँ घुससहित पक्राउ गरेको थियो। नेपाल–भारत सीमा बजारबाट सामान ल्याउन सहज गराइदिने भन्दै उनले सेवाग्राहीसँग घुस लिएका थिए।
_x000D_
_x000D_
यो चालु आर्थिक वर्षमा घुससहित रंगेहात पक्राउ परेका प्रहरीको विवरण हो। चालु आर्थिकको वर्ष तीन महिनामै एक दर्जनभन्दा बढी प्रहरी अधिकारी घुससहित रंगेहात पक्राउ परिसकेका छन्।
_x000D_
_x000D_
यसरी पछिल्लो समय प्रहरी अधिकारीहरुले घुस खाने क्रम बढेको देखिएपछि आयोगले विशेष अपरेसन नै सञ्चालन गरेर कारबाही थालेको छ। आयोगले घुस खानेविरुद्धको कारबाही (स्टिङ अपरेसन) का लागि डिएसपीको कमान्डमा एउटा टोली नै गठन गरेर काम गरिरहेको छ।
_x000D_
_x000D_
उक्त टोलीले गत आर्थिक वर्षको अवधिमा प्रहरी जवानदेखि डिएसपीसम्म १६ जनालाई घुस रकमसहित रंगेहात पक्राउ गरेको छ।
_x000D_
_x000D_
कोको परे घुससहित रंगेहात पक्राउ?
_x000D_
_x000D_
– डिएसपी नवीनकुमार भण्डारी (प्रहरी वृत बालाजु), घुस रकम ५ लाख
_x000D_
_x000D_
– इन्सपेक्टर हरिहर सुनुवार (प्रहरी प्रभाग नयाँ बसपार्क), घुस रकम ५० हजार
_x000D_
_x000D_
– इन्सपेक्टर काले बम्जन लामा (सशस्त्र कार्यालय कप्तानगञ्ज, सुनसरी), घुस रकम २५ हजार
_x000D_
_x000D_
– सई वीरेन्द्रबहादुर ऐडी (प्रहरी वृत दरबारमार्ग), घुस रकम २४ हजार
_x000D_
_x000D_
– सई कुमार श्रेष्ठ (प्रहरी प्रभाग भक्तपुर), घुस रकम १८ हजार
_x000D_
_x000D_
– असई चन्द्रसिंह भाट (प्रहरी वृत बालाजु), घुस रकम ५ लाख
_x000D_
_x000D_
– असई रमेशबहादुर खड्का (आयुक्त कार्यालय रानिपोखरी), घुस रकम ३ लाख
_x000D_
_x000D_
– हवल्दार मनोज यादव (प्रहरी वृत बालाजु), ५ लाख
_x000D_
_x000D_
– हवल्दार कुलबहादुर बिसी (प्रहरी चौकी पाखापानी, म्याग्दी), घुस रकम १ लाख ६० हजार
_x000D_
_x000D_
– जवान पुष्कर शाह –प्रहरी वृत बालाजु), ५ लाख घुसमा संलग्नता
_x000D_
_x000D_
–सशस्त्र जवान शम्भुप्रसाद आचार्य (औधोगिक सुरक्षा बल नेपालगञ्ज), घुस रकम ७ हजार
_x000D_
_x000D_
– जवान उमेशकुमार थापा (प्रहरी प्रभाग भक्तपुर), घुस रकम १८ हजार
_x000D_
_x000D_
– जवान मनोज प्रसौला (अस्थायी प्रहरी पोष्ट लक्ष्मनिया जनकपुर), घुस रकम १० हजार
_x000D_
_x000D_
– जवान मोतिकुमार श्रेष्ठ (जिल्ला ट्राफिक कार्यालय लमजुङ), घुस रकम ७० हजार
_x000D_
_x000D_
– सशस्त्र जवान ठाकुर खत्री (सशस्त्र प्रहरी बल कप्तानगञ्ज सुनसरी), घुस २५ हजार
_x000D_
_x000D_
– सशस्त्र जवान नवीन खड्का (सशस्त्र प्रहरी बल कप्तानगञ्ज सुनसरी), घुस २५ हजार
_x000D_
_x000D_
प्रहरीबाहेक अख्तियारले गत आर्थिक वर्षमा कार्यालय सहयोगीदेखि सहसचिवसम्म १ सय १६ जनालाई घुससहित रंगेहात पक्राउ गरेको छ। सहसचिव जस्तो प्रतिष्ठित पदका व्यक्तिसमेत १० हजार रुपैयाँ घुसमा बिक्ने गरेको पाइएको छ। स्वास्थ्य सेवा विभागका सहसचिव डा. रमेशकुमार सिंहलाई अख्तियारले १० हजार रुपैयाँ घुस लिंदालिंदै पक्राउ गरेको थियो।
_x000D_
_x000D_
त्यस्तै वैदेशिक रोजगार विभागका सहसचिव विश्वराज पाण्डेलाई अख्तियारले १० लाख घुससहित पक्राउ गरेको थियो। पक्राउ पर्नेमा उपसचिव तथा सोसरहका मात्रै ८ जना छन्।
_x000D_
_x000D_
आयुर्वेद चिकित्सालय नरदेवीका निर्देशक डा. रामदेव यादव ३७ हजार, भूमि सुधार कार्यालय सप्तरीका उपसचिव प्रकाशप्रसाद पोखरेल १ लाख, यातायात व्यवस्था कार्यालय सुकेधाराका उपसचिव सुन्दर भट्टराई ३२ हजार, जिल्ला प्राविधिक कार्यालय कञ्चनपुरका सिनियर डिभिजनल इन्जिनियर केदार शर्मा १९ लाख ७० हजार, वाणिज्य आपूर्ति तथा उपभोक्ता संरक्षण विभागका निर्देशक पुरुषोतम सुवेदी १० हजार घुससहित पक्राउ परेका थिए।
_x000D_
_x000D_
त्यसैगरी शिक्षा विकास समन्वय इकाई कपिलवस्तुका उपसचिव खगेन्द्रप्रसाद सुवेदी ५० हजार र सोही कार्यालयका उपसचिव सुरेन्द्र पराजुली २ लाख ८० हजार, बुढानिलकण्ठ नगरपालिकाका कार्यकारी अधिकृत लिला अधिकारीलाई अख्तियारले ५ लाख रुपैयाँ घुससहित पक्राउ गरेको थियो।
_x000D_
_x000D_
यी बाहेक, अधिकृत, नायब सुब्बा, इन्जिनियर, नापी विभागका कर्मचारी, वनका कर्मचारी, लेखापाल, ओभरसियर, विभिन्न प्राविधक कर्मचारी र कार्यालय सहयोगी गरी १ सय १६ जनालाई रंगेहात पक्राउ गरिएको अख्तियारले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
