काठमाडौं- स्पेनिस क्लब रियल म्याड्रिडले जुलेन लोपेटेगुईलाई प्रशिक्षक पदकबाट बर्खास्त गरेको छ। स्पेनिस ला लिगामा रियलले लगातार खराब प्रदर्शन गरेपछि उनलाई प्रशिक्षक पदबाट बर्खास्त गरिएको हो।
_x000D_
_x000D_
आइतबार रियलले एलक्लासिको भिडन्तमा नमिठो हार बेहोरेको थियो। बार्सिलोनाले घरेलु मैदानमा रियललाई ५-१ गोलले हराएपछि जुलेनको आलोचना सुरु भएको थियो। अब नयाँ प्रशिक्षकमा रियलले चेल्सीका पूर्व प्रशिक्षक एन्टोनीयो कान्टेलाई ल्याउने चर्चा चलेको छ।
_x000D_
_x000D_
उनी सिजनको सुरुवातमा रियलको प्रशिक्षक पदमा नियुक्त भएका थिए। स्पेनिस राष्ट्रिय टिमका तत्कालिन प्रशिक्षक जुलेनलाई जिनेदिन जिदानले पदबाट राजीनामा दिएपछि जिम्मेवारी दिइएको थियो।
_x000D_
_x000D_
उनी गत जेठमा रियलको प्रशिक्षकमा नियुक्त भएका थिए। तर लगत्तै उनी स्पेनिस राष्ट्रिय टिमको प्रशिक्षकबाट बर्खास्तगीमा परेका थिए। विश्वकप फुटबल सुरु हुनुअघि रियलको प्रशिक्षक बनेपछि स्पेनिस फुटबल महासंघले ५१ वर्षीय जुलेनलाई बिना जानकारी रियलको प्रशिक्षक बनेको भन्दै बर्खास्त गरेको थियो। उनले विश्वकपपछि रियल म्याड्रिडको प्रशिक्षक सम्हाल्ने गरी ३ वर्षको सम्झौता गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
