काठमाडौं- नेपाली फेन्चाइज टी-२० क्रिकेट लिगमा स्वभाविक रुपमा विदेशी खेलाडी चम्कने यथार्थ पोखरामा संचालनमा भइरहेको पोखरा प्रिमियर लिग टी-२० क्रिकेट प्रतियोगितामा पनि दोहोरिएको छ।
_x000D_
_x000D_
उत्कृष्ट खेल्ने सूचीको अग्रपंक्तिमा भारत उत्तर प्रदेशका अलराउन्डर गौरव तोमर देखिएका छन्। हुलास काठमाडौं रोयल्समा आवद्ध गौरवले सुरुवाती दुवै खेलमा अर्धशतक प्रहार गरेका छन्। जारी प्रतियोगितामा सर्वाधिक रन प्रहार गर्ने खेलाडीको पहिलो स्थानमा रहेका भारतको उत्तर प्रदेशस्थित गाजियावादमा जन्मिएका गौरवले २ खेलमा ३ विकेट लिइसकेका छन्।
_x000D_
_x000D_
२७ वर्षीया गौरवकै उच्च प्रदर्शनमा काठमाडौंले लगातार दोस्रो जित हात पारेको छ। काठमाडौंले पहिलो खेलमा एक्पर्टस धनगढी बुल्जलाई १७ रनले हराएको थियो। सो खेलमा गौरवले ९५ रन जोडेका थिए। शतक बनाउन चुकेका गौरवले ४ चौका र १० छक्का हिर्काएका थिए। जारी प्रतियोगितामा एकै इनिङमा १० छक्का अन्य खेलाडीले प्रहार गर्न सकेका छैनन्। सो खेलमा गौरवले २ ओभर बलिङ गरेर १ विकेट लिएका थिए। खेलमा उनी म्यान अफ दि म्याच बनेका थिए।
_x000D_
_x000D_
सोमबार भएको आफ्नो दोस्रो खेलमा पनि गौरवले उत्कृष्ट ब्याटिङमा प्रस्तुत गरे। गौरवले विराटनगर टाइटन्सविरुद्धको खेलमा ६६ रन प्रहार गरेका थिए। उनले ४६ बलमा ६ चौका र ३ छक्का प्रहार गरे। गौरवकै उत्कृष्ट ब्याटिङमा काठमाडौंले विराटनगरले दिएको १ सय ५० रनको लक्ष्य ४ बल खेल्न बाँकी छदा ५ विकेटको क्षतिमा पार गर्यो। विराटनगरलाई ५ विकेटले हराउन उनले २ विकेट लिन सफल भए। अलराउन्ड प्रदर्शनसँगै गौरव लगातार दोस्रो खेलमा म्यान अफ दि म्याच हुन सफल भए।
_x000D_
_x000D_
_x000D_
_x000D_
२ खेलमा १ सय ६१ रन जोडेका गौरव बढी रन प्रहार गर्ने खेलाडीको सूचीको पहिलो स्थानमा छन्। ८० को औषतमा ब्याटिङ गरिरहेका उनको स्ट्राइक रेट १७८.८८ छ।
_x000D_
_x000D_
लगातार दोस्रो खेलमा उत्कृष्ट ब्याटिङ गर्दै म्यान अफ दि म्याच बनेपछि गौरवले आफ्नो प्रदर्शन भन्दा पनि टिमको जित महत्वपूर्ण भएको बताए। 'मेरो प्रदर्शन भन्दा पनि हामीले दुई खेल जित्नु महत्वपूर्ण कुरा हो,' उनले भने, 'समूह चरणका पाँचै खेल जितेर शीर्ष स्थानमा रहनु हाम्रो लक्ष्य हो।'
_x000D_
_x000D_
उनले टिमका लागि योगदान दिन सिंगल लिएर योजना खेलेको बताए। '१-२ रनमा लिएर अघि बढ्ने मेरो ध्यान हुन्छ,' उनले भने।
_x000D_
_x000D_
काठमाडौं टिमका सबै खेलाडी राम्रो भएको बताउँदै उपाधि जित्ने लक्ष्य रहेको बताए। 'हाम्रो टिम राम्रो छ। एकदुई जना खेलाडी भन्दा पनि टिम इफोर्टले खेल जित्ने हो। हाम्रो लक्ष्य उपाधि जित्ने हो,' उनले सुनाए।
_x000D_
_x000D_
यता काठमाडौंका कप्तान ज्ञानेन्द्र मल्ल पनि गौरवको प्रदर्शनबाट सन्तुष्ट छन्। उनी भन्छन् 'गौरवको ब्याटिङ राम्रो छ। उनी सुरुदेखि अन्त्यसम्म खेल्न सक्ने खेलाडी हुन्। हाम्रो टिममा उनलाई पाउदा एकदमै खुसी छौं।'
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
