काठमाडौं- एएफसी यू-१९ महिला च्याम्पियनसिप छनोटको दोस्रो चरणमा नेपालसहित ८ टिम पुगेका छन्।
_x000D_
_x000D_
आगामी अप्रिलमा हुने दोस्रो चरणको छनोटमा नेपाल, अस्ट्रेलिया, इरान, लेवनान, म्यानमार, दक्षिण कोरिया, उज्वेकिस्तान र भियतनाम छनोट भएका छन्। दोस्रो चरणको छनोट २२ देखि ३० अप्रिलसम्म हुनेछ। ८ टिमलाई २ समूहमा विभाजन गरिनेछ। समूहका शीर्ष २-२ टिम गरी ४ टिम अन्तिम चरणमा पुग्नेछन्।
_x000D_
_x000D_
अन्तिम चरणको प्रतिस्पर्धा २०१९ को २७ अक्टुबरदेखि ९ नोभेम्बरसम्म थाइल्यान्डमा हुनेछ। अन्तिम चरणमा दोस्रो चरणबाट छनोट भएका ४ टिम र सिधै छनोट भएका ४ टिम गरी ८ टिमबीच भिडन्त हुनेछ। आयोजक थाइल्यान्ड, जापान, उत्तर कोरिया र चीन अन्तिम चरणमा पुगिसकेका टिम हुन्।
_x000D_
_x000D_
नेपालले पहिलो चरणको छनोट अन्तर्गत समूह उपविजेताको रुपमा दोस्रो चरणमा स्थान बनाएको हो। आइतबार भएको समूहको अन्तिम खेलमा थाइल्याण्डले भारतलाई पराजित गरेपछि नेपाल समूहको दोस्रो स्थानमा रहेर दोस्रो चरणमा पुग्यो। समूहमा थाइल्यान्ड, भारत र नेपालको समान ४-४ अंक भएको थियो।
_x000D_
_x000D_
नेपाल गोलअन्तरका आधारमा भारतलाई पछि पारेर दोस्रो चरणमा पुगेको हो। थाइल्यान्ड समूह विजेता बन्यो। अन्तिम चरणको आयोजक थाइल्यान्ड यसअघि नै छनोट भइसकेको छ।
_x000D_
_x000D_
नेपालले दोस्रो खेलमा भारतलाई २-० गोलले हराएको थियो। पहिलो खेलमा भने नेपाल थाइल्यान्डसँग ३-० ले हारेको थियो।
_x000D_
_x000D_
अन्तिम खेलमा नेपालले पाकिस्तानलाई फराकिलो अन्तरले पराजित गरेको थियो।
_x000D_
_x000D_
नेपालले आइतबार थाइल्याण्डको चोनबुरी रङ्गशालामा भएको खेलमा नेपालले पाकिस्तानलाई ९–० गोलअन्तरले पराजित गर्दै जीत हात पारेको थियो। खेल शुरुआतको दुई मिनेटमा नेपालकी मञ्जलीकुमारी योञ्जनले पहिलो गोल गर्दै खाता खोलिन्। खेलको पहिलो हाफको ३२औँ मिनेटमा सम्झना लावतीले दोस्रो र अलिसा जिम्बाले ३७ औँ मिनेटमा एक गोल थपिन्।
_x000D_
_x000D_
खेलको पहिलो हाफसम्म ३–० गोलअन्तरले अगाडि रहेको नेपालले दोस्रो हाफमा ६ गोल थप्यो । खेलको ४८ औँ मिनेटमा पूजा रानाले हेडमार्फत गोल गरिन् भने त्यसको केही समयमा नै उनले पुनः अर्को गोल थपिन् । निशा थोकरले खेलको दोस्रो हाफमा ह्याट्रिक पूरा गरिन् । उनले खेलको ५७, ७४ र ८५औँ मिनेटमा तीन गोल गरेकी थिइन् । कप्तान सरु लिम्बूले ८९औँ मिनेटमा थप एक गोल गरेपछि नेपालले पाकिस्तानमाथि ९–० को सहज जीत हात पारेको थियो।
_x000D_
_x000D_
दोस्रो चरणमा पुगेको नेपाली टिम थाइल्यान्डबाट आज नेपाल फर्कने अखिल नेपाल फुटबल संघले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
