पोखरा- पोखरा प्रिमियर लिग (पिपिएल) टी-२० क्रिकेट प्रतियोगिताअन्तर्गत बुटवल ब्लास्टर्सले लगातार दोस्रो खेलमा जित हात पारेको छ। बुटवलले सोमबार भएको खेलमा घरेलु टिम पोखरा पल्टनलाई ३३ रनले पराजित गरेको हो।
_x000D_
_x000D_
बुटवल ब्लास्टर्सले १ सय ५१ रनको लक्ष्य पछ्याएको पोखराले २० ओभरमा ९ विकेटको क्षतिमा १ सय १७ रन मात्र जोड्न सक्यो। बुटवलले पहिलो खेलमा धनगढीलाई हराएको थियो। पोखराले भने पहिलो खेलमा विराटनगरमाथि जित हात पारेको थियो।
_x000D_
_x000D_
पोखराका ओपनिङ ब्याट्सम्यान आसिफ शेखले २० रन जोडे। बुटवलका ललितसिंह भण्डारीबाट बोल्ड हुनुअघि उनले १५ बलमा ४ चौका प्रहार गरे। अर्का ओपनर कुशल भुर्तेल ९ रनमै आउट भएका थिए। विनोद भण्डारीले ६ रन र रविइन्दर सिंहले ११ रन भन्दा बढी रन जोड्न सकेनन्। कप्तान शरद भेषवाकरले २४ बल खेलेर १९ रन जोडे । उनले २ चौका प्रहार गरेका थिए।
_x000D_
_x000D_
मध्यक्रमका ब्याट्सम्यान रोहितकुमार पौडेल २ रन र मेहबुब अलाम १ रनमै आउट भएका थिए। ललित राजवंशी ९ रन र विक्रम भुषास ८ रनमा नटआउट रहे।
_x000D_
_x000D_
बलिङमा बुटवलका बिपिन खत्री, ललितसिंह भण्डारी, सोमपाल कामी र रोहान मुस्ताफाले २-२ विकेट लिन सफल भए।
_x000D_
_x000D_
त्यसअघि पोखरा रंगशालामा टस जितेर पहिले ब्याटिङ गरेको बुटवलले २० ओभरमा ७ विकेटको क्षतिमा १ सय ५० रन जोड्यो।
_x000D_
_x000D_
बुटवलका लागि मध्यक्रमका ब्याट्सम्यान भीम सार्कीले अर्धशतक प्रहार गरे। उनले ४६ बलमा ५४ रन जोडे। सार्कीले बुटवलको इनिङ उकास्ने क्रममा २ चौका र ३ छक्का प्रहार गरे। उनले ३५ रन बनाएर खेलिरहेको बेलमा विकेट पछाडि विनोद भण्डारीले क्याच मिस गर्दा जीवनदान पाएका थिए।
_x000D_
_x000D_
_x000D_
_x000D_
त्यस्तै रोहान मुस्ताफाले ४५ रनको योगदान गरे। युएईका कप्तान उनले पोखराका शरद भेषवाकरको एलबिडब्लूको धरापमा पर्नुअघि ३५ बलमा ३ चौका र २ छक्का प्रहार गरे। मुस्ताफा र भीम सार्कीबीच तेस्रो विकेटका लागि ७३ रनको साझेदारी भएको थियो।
_x000D_
_x000D_
_x000D_
_x000D_
त्यसअघि ओपनरहरु चिराग सुरी ५ रन र सागर पुन २ रनमै आउट भएका थिए भने सिद्धान्त लोहनीले ११ बलमा १ छक्काको मद्दतमा १३ रन जोडे। कप्तान सोमपाल कामी अन्तिम २ बल बाँकी छदा २२ रनमा रनआउट भए। सोमपालले ८ बलमा २ चौका र १ छक्का प्रहार गरे।
_x000D_
_x000D_
बलिङमा पोखराका मोहमद नाभीदले ३ विकेट लिए। मेहबुब आलाम, शरद भेषवाकर र ललितनारायण राजवंशीले १-१ विकेट लिए।
_x000D_
_x000D_
यसअघि आइतबार विहान भएको खेलमा एक्पर्ट धनगढी बुल्जले
_x000D_
_x000D_
प्रतियोगिताअन्तर्गत सोमबार विहान ९ बजे विराटनगर टाइटन्स र काठमाडौं रोयल्सबीच खेल हुनेछ। दोस्रो खेलमा चितवन राइनोज र पोखरा पल्टनबीच प्रतिस्पर्धा हुनेछ।
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1765860421.png)
-1764146706.png)
-1765768760.png)
-1763721444.png)
-1765273665.jpg)
