काठमाडौं– सर्वोच्च अदालतले लोकसेवा आयोगलाई नतिजा प्रकाशनमा ढिलाइ नगर्न आदेश दिएको छ ।
बुधबार अदालतले विज्ञापन प्रकाशनअनसार प्रशासन, सेवा, सामान्य प्रशासन समूहतर्फका राजपत्रांकित द्वितीय श्रेणीका पदको परीक्षाको सम्पूर्ण प्रक्रिया पूरा भइसकेकाले अन्तिम नतिजा छिटो प्रकाशन गर्न निर्देशन दिएको हो ।
न्यायाधीश सुनिलकुमार पोखरेलको एकल इजलासले यस्तो आदेश दिएको हो । मनबहादुर थापा लगायतले दायर गरेको रिटको सुनुवाइ गर्दै पोखरेलले नतिजा प्रकाशनमा ढिलाइ नगर्न आदेश दिएको सर्वोच्च प्रशासनले जानकारी दिएको छ ।
निवेदकले प्रशासन सेवा, सामान्य प्रशासन समूहको राजपत्रांकित द्वितीय श्रेणीका ५ वटा विज्ञापन नम्बर १६६७९ (खुला), १६६८० (महिला), १६६८१ (आदीवासी जनजाति), १६६८२ (मधेशी) र १६६८३ (अपांग)का विज्ञापित पदहरुको परीक्षाको सम्पूर्ण प्रक्रिया पूरा भइसकेको र निवेदकहरुको योगषयता नाघेको भन्ने प्रश्न पनि नरहेको सन्दर्भमा नतिजा प्रकाशिनमा ढिलाइ देखिएकाले छिटो प्रकाशनको आदेश माग गरेका थिए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
