पोखरा- कप्तान सोमपाल कामीले उत्कृष्ट बलिङ गरेपछि बुटबल ब्लास्टर्सले पोखरा प्रिमियर लिग (पिपिएल) टी-२० क्रिकेट प्रतियोगितामा विजयी सुरुवात गरेको छ।
_x000D_
_x000D_
बुटवलले शनिबार भएको खेलमा चितवन राइनोजलाई ७० रनले पराजित गरेको हो। बुटवलले दिएको १ सय ३६ रनको लक्ष्य पछ्याएको चितवन १६.५ ओभरमा ६५ रनमै अलआउट भयो।
_x000D_
_x000D_
चितवनले पहिलो २ ओभरमै २ विकेट गुमाएको थियो। ओपनरद्वय अनिलकुमार साह र सोनु तामाङ खाता नै खोल्न नपाइ आउट भए।
_x000D_
_x000D_
तेस्रो ओभरमा पारस खड्का १० रनमा आउट भएपछि चितवन सुरुवातमै दबाबमा आयो। पारसलाई सोमपालले आउट गरेका थिए। त्यसपछि पनि चितवनको विकेट पतन रोकिएन आरिफ शेख ०, स्मित पटेल २, सनी पटेल ९ रन र हरिशंकर साह १ रनमा आउट भए। करण केसी पनि ७ रनमा रनआउटको सिकार बनेका थिए।
_x000D_
_x000D_
शक्ति गौचनले २३ बल खेलेर ९ रन जोडे। चितवनका लागि भुवन कार्कीले सबैभन्दा बढी १९ रन जोडे। उनले २६ बलमा २ चौका प्रहार गरे।
_x000D_
_x000D_
बलिङमा चितवनका सोमपाल कामीले ४ विकेट लिए। सोमपालले ४ ओभरमा १३ रन खर्चिए। ललितसिंह भण्डारीले २ विकेट लिन सफल भए। रोहान मुस्ताफा, विपीन खत्री र अभिनास बोहराले १-१ विकेट लिए।
_x000D_
_x000D_
_x000D_
_x000D_
त्यसअघि शनिबार विहान पोखरा मैदानमा टस हारेर पहिले ब्याटिङ गरेको बुटवलले २० ओभरमा ६ विकेटको क्षतिमा १ सय ३५ रन जोड्यो।
_x000D_
_x000D_
बुटवलका लागि शंकर रानाले सबैभन्दा बढी ४८ रनको योगदान गरे। उनले ४१ बलमा ५ चौका र १ छक्का प्रहार गरे। ओपनिङ ब्याट्सम्यान सागर पुनले ४६ रनको योगदान दिए। सागर र शंकरबीच चौथो विकेटका लागि ६८ रनको साझेदारी भएको थियो।
_x000D_
_x000D_
त्यसअघि खराब ओपनिङ गरेको बुटवलले पहिलो ओभरमै २ विकेट गुमाएको थियो। चिराग सुरी १ रन र रोहान मुस्ताफा २ रनमा आउट भएका थिए। भीम सार्की २ रनमा आउट भएका वुटबल सुरुमै दबावमा परेको थियो।
_x000D_
_x000D_
_x000D_
_x000D_
वुटबलका लागि सिद्धान्त लोहनीले १५ बलमा नटआउट १७ रन र कप्तान सोमपाल कामीले ३ बलमा नटआउट ६ रन जोडे।
_x000D_
_x000D_
बलिङमा करण केसीले २ विकेट लिए। रामनरेश गिरी र शक्ति गौचनले १-१ विकेट हात पारे।
_x000D_
_x000D_
_x000D_
_x000D_
_x000D_
_x000D_
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
