काठमाडौं– राष्ट्रिय स्वतन्त्र पार्टी (रास्वपा)ले ‘राइट टु रिकल’ सम्बन्धी दस्तावेज निर्माण गर्न ११ सदस्यीय समिति गठन गरेको छ।
पार्टीको भदौ ५ गते बसेको केन्द्रीय कमिटी बैठकको निर्णयअनुसार महामन्त्री विपिनकुमार आचार्यको संयोजकत्वमा समिति गठन गरिएको रास्वपाले जनाएको छ।
समितिमा गणेश पराजुली, मनिष झा, समीक्षा बास्कोटा, अनुष्का श्रेष्ठ, सुलभ खरेल, मनिष खनाल, सुशान्त वैदिक, गजला शमिम मिकरानी, करिस्मा कठरिया र प्रमोद न्यौपाने सदस्य रहेका छन्।
समितिले निर्वाचित जनप्रतिनिधिलाई मतदाताले कार्यकाल पूरा हुनुअघि नै फिर्ता बोलाउन सक्ने व्यवस्थासम्बन्धी ‘राइट टु रिकल’को अवधारणा र त्यसको कार्यान्वयनका विषयमा दस्तावेज तयार गर्नेछ।
रास्वपाका प्रवक्ता जगदिश खरेलले शुक्रबार विज्ञप्ति जारी गर्दै समिति गठनबारे जानकारी दिएका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788878240.jpeg)
-1786602170.png)
