काठमाडौं– राष्ट्रिय स्वतन्त्र पार्टी (रास्वपा) का सांसद खगेन्द्र सुनारले नेपाल प्रहरीका महानिरीक्षक (आईजीपी) दानबहादुर कार्कीमाथि अनुसन्धान गर्नुपर्ने विषय पुन: संसदमा उठाएका छन् ।
सांसद सुनारले शुक्रबारको प्रतिनिधिसभा बैठकमा उनीमाथि अनुसन्धान नभएको भन्दै सरकारमाथि प्रश्न उठाएका हुन् ।
‘तल्लो दर्जाका प्रहरीहरूको जुत्ता–मोजा खाइदिएकोमा आरोप उनी (आईजीपी) माथि लागेको छ । करोडौँ करोड भ्रष्टाचार गरेको आरोप उनीमाथि लागेको छ । यो सरकार उनलाई बर्खास्त किन गरिरहेको छैन ?’, सुनारले प्रश्न गरे, ‘उनीमाथि छानबिन किन भइरहेको छैन ? के कारणले उनलाई बचाइराखिएको छ, यो सम्मानित सदनमार्फत सरकारलाई ध्यानाकर्षण गराउन चाहन्छु ।’
उनले अगाडि भने, ‘कहिल्यै पनि बाबुलाई छोरीको, पुलिसलाई चोरीको आरोप गम्भीर हुन्छ, योबारेमा सचेत हुनुपर्छ ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
