काठमाडौं– राष्ट्रिय स्वतन्त्र पार्टी (रास्वपा) का सांसद अमरेशकुमार सिंहले सरकार संविधानअनुसार सञ्चालन नभएको आरोप लगाउँदै प्रधानमन्त्रीको सचिवालय र सल्लाहकारको भूमिकाप्रति गम्भीर आपत्ति जनाएका छन् ।
प्रतिनिधिसभाको बैठकमा बिहीबार उनले प्रधानमन्त्री संसदप्रति उत्तरदायी हुनुपर्नेमा सरकारको निर्णय प्रक्रिया सल्लाहकार केन्द्रित बन्दै गएको आरोप लगाए ।
'हाम्रो संसदीय व्यवस्थामा प्रधानमन्त्रीय शासन व्यवस्था छ । तर प्रधानमन्त्रीय शासन व्यवस्था सल्लाहकारको व्यवस्थामा चेन्ज भएको छ । यो संविधानको कुन दफामा छ, कुन ऐनमा छ मैले बुझ्न सकेको छैन', उनले भने ।
सिंहले प्रधानमन्त्रीका प्रमुख सल्लाहकार कुमार बेनप्रति संकेत गर्दै उनका पछिल्ला गतिविधिमाथि समेत प्रश्न उठाए । उनले दिल्लीमा भारतीय जासुसी संस्थाको निमन्त्रणामा भ्रमण गरेको र त्यहाँको लिला प्यालेस होटलमा बसेको दाबी गर्दै त्यसबारे सरकार स्पष्ट हुनुपर्ने बताए ।
'एउटा जासुसी संस्थालाई भेट्न प्रधानमन्त्रीका सल्लाहकार जान्छन् । त्यहाँ दिल्लीको लिला प्यालेस होटलको दोस्रो फ्लोरमा बस्छन्', सिंहले भने, 'देवानन्दको गाइड फिल्मजस्तै यो सरकार चलिरहेको छ । एउटा सल्लाहकार नै यो सरकारको नाश गर्न काफी छ ।'
उनले सरकारको केन्द्र सिंहदरबार हुनुपर्नेमा निर्णय प्रक्रिया अन्यत्रबाट सञ्चालन भइरहेको आरोप लगाए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789033975.jpg)
-1786602170.png)
