पोखरा- पोखरा प्रिमियर लिग (पिपिएल) टी-२० क्रिकेट प्रतियोगिताको उद्घाटन खेलमा पोखरा पल्टनले विराटनगर टाइटन्सलाई ५८ रनले पराजित गरेको छ।
_x000D_
_x000D_
शुक्रबार पोखराले दिएको १ सय ९८ रनको लक्ष्य पछ्याएको विराटनगरले २० ओभरमा ८ विकेटको क्षतिमा १ सय ३९ रन मात्र बनाउन सक्यो।
_x000D_
_x000D_
खराब ओपनिङ गरेको विराटनगरका ओपनरद्वय प्रदीप ऐरी १० रन र सुनील धमला ११ रनमा आउट भए। यस्तै जितेन्द्रसिंह ठकुरी पनि १० रनकै झिनो स्कोरमा आउट भए।
_x000D_
_x000D_
राजु रिजालले ३० रनको योगदान गरे। उनले २७ बलमा समान २-२ चौका र छक्का प्रहार गरे। भारतीय ब्याट्सम्यान एन्ड्रीउ सुविक्षण १४ रन र राजेशपुलामी मगर ७ रनमा आउट भए। पुष्प थापाले ३० रन बनाए। उनले २६ बलमा ३ चौका र १ छक्का प्रहार गरे। जितेन्द्र मुखिया ६ रनमा आउट हुँदा सन्दीप लामिछानेले नटआउट १४ रन जोडे।
_x000D_
_x000D_
बलिङमा पोखराका ललितनारायण राजवंशीले ३ विकेट लिए। मेहबुब आलाम, कृष्ण कार्की, रासिद खान, विक्रम भुषाल र शरद भेषवाकरले १-१ विकेट लिए।
_x000D_
_x000D_
त्यसअघि पोखरा क्रिकेट मैदानमा टस हारेर पहिले ब्याटिङ गरेको पोखराले २० ओभरमा ३ विकेटको क्षतिमा १ सय ९७ रन जोड्यो।
_x000D_
_x000D_
पोखराका लागि ओपनर आफिस शेखले अर्धशतक प्रहार गरे। उनले ५२ रनको योगदान गरे। आसिफले ५४ बलमा ५ चौका र १ छक्का प्रहार गरे। अर्का ओपनर कुशल भुर्तेलले ३८ रनको योगदान गरे। उनले २६ बलमा ५ चौका र २ छक्का प्रहार गरे।
_x000D_
_x000D_
यस्तै रविइन्द्रर सिंहले ४४ रन जोडे। आक्रामक ब्याटिङ गरेका उनले २७ बलमा २ चौका र ४ छक्का प्रहार गरे। भारतीय ब्याट्सम्यान सिंहलाई विराटनगरका सन्दीप लामिछानेले बाउन्ड्री लाइनमा क्याच गराएका थिए। उनले दोस्रो विकेटका लागि आसिफसँग ९४ रनको साझेदारी गरेका थिए।
_x000D_
_x000D_
यस्तै विनोद भण्डारीले ११ बलमा नटआउट ४१ रन जोडे। उनले २ चौकार ५ छक्का हिर्काए। उनले अन्तिम बलमा सहाब अलामलाई छक्का प्रहार गरेपछि पोखराको इनिङ मजबुत बनेको थियो। सरद भेषवाकरलाई ४ बलमा नटआउट ७ रन जोडे।
_x000D_
_x000D_
बलिङमा विराटनगरका सन्दीप लामिछानेले २ विकेट लिए। १ विकेट साहब आलामलाई हात पारे।
_x000D_
_x000D_
प्रतियोगिताअन्तर्गत शनिबार चितवन टाइगर्स र बुटबल ब्लास्टर्सबीच ९ बजे हुनेछ। दोस्रो खेलमा धनगढी र काठमाडौं रोयल्स भिड्नेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
