काठमाडौं– चिनियाँ स्मार्टफोन ब्रान्ड अनरले नयाँ स्मार्टफोन अनर एक्स७ई नेपाली बजारमा सार्वजनिक गरेको छ। कम्पनीले लामो समयसम्म चल्ने ब्याट्री, उच्च रिफ्रेस रेटको डिस्प्ले, क्यामेरा तथा पर्याप्त स्टोरेजसहितको एक्स७ई नेपाली बजारमा ल्याएको हो।
अनर एक्स७ईमा ६.६१ इन्चको १२० हर्ज रिफ्रेस रेट भएको डिस्प्ले दिइएको छ। यसले मोबाइल चलाउँदा स्क्रोलिङ, टच प्रतिक्रिया तथा भिडियो हेर्ने अनुभवलाई सहज बनाउने कम्पनीको दाबी छ। सामाजिक सञ्जाल, गेमिङ, भिडियो हेर्ने तथा इन्टरनेट ब्राउजिङका लागि यो डिस्प्ले उपयोगी हुने बताइएको छ।
फोनको मुख्य विशेषतामध्ये यसको ७,५०० एमएएच क्षमताको ब्याट्री रहेको छ। ठूलो क्षमताको ब्याट्रीका कारण लामो समयसम्म फोन प्रयोग गर्न सकिने कम्पनीले जनाएको छ। त्यस्तै, फोनमा ४५ वाटको द्रुत चार्जिङ प्रविधि उपलब्ध छ।
फोटोग्राफीका लागि अनर एक्स७ईमा ५० मेगापिक्सेलको एआई अल्ट्रा-क्लियर मुख्य क्यामेरा राखिएको छ। यसले दैनिक प्रयोगका तस्बिर तथा भिडियोमा स्पष्टता र विवरण कायम गर्न सहयोग गर्ने कम्पनीको भनाइ छ।
त्यस्तै, फोनमा ६ जीबी र्याम र २५६ जीबी आन्तरिक भण्डारण उपलब्ध छ। यसले एप, फोटो, भिडियो तथा अन्य फाइल राख्न पर्याप्त ठाउँ उपलब्ध गराउनेछ। फोन सनराइज ओरेन्ज र मिडनाइट ब्ल्याक गरी दुई रङमा उपलब्ध हुनेछ।
कम्पनीले एक्स७ई सार्वजनिक गर्ने क्रममा विशेष अफरसमेत घोषणा गरेको छ। सेप्टेम्बर १५, २०२६ सम्म अनर एक्स७ई खरिद गर्ने ग्राहकले ‘अनर एक्स७ई एक्टिभ इयरबड्स’ निःशुल्क प्राप्त गर्नेछन्।
६ जीबी र्याम तथा २५६ जीबी स्टोरेज भएको अनर एक्स७ईको नेपाली बजार मूल्य ३९ हजार ९९९ रुपैयाँ तोकिएको छ। फोन नेपालभर रहेका अनरका अधिकृत स्टोरहरूबाट खरिद गर्न सकिने कम्पनीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
