फाइल तस्बिर
काठमाडौं– देशका विभिन्न ४० जिल्लामा बहने स–साना नदी तथा खोलाको बहाव सोमबार उल्लेख्य बढ्ने र आकस्मिक बाढीको मध्यम जोखिम रहेको बाढी पूर्वानुमान महाशाखाले जनाएको छ।
महाशाखाका अनुसार ताप्लेजुङ, संखुवासभा, तेह्रथुम, पाँचथर, इलाम, धनकुटा, झापा, मोरङ, खोटाङ, उदयपुर, ओखलढुंगा, भोजपुर, दोलखा, काभ्रेपलाञ्चोक, ललितपुर, भक्तपुर, काठमाडौं, सिन्धुपाल्चोक, रसुवा, नुवाकोट, धादिङ, गोरखा, तनहुँ, लमजुङ, कास्की, सुर्खेत, दैलेख, अछाम, कालिकोट, बाजुरा, बझाङ, बाँके, बर्दिया, दार्चुला, बैतडी, डोटी, डडेल्धुरा, कैलाली र कञ्चनपुर तथा आसपासका जिल्लामा यस्तो जोखिम रहेको हो।
यी जिल्लामा नदी तथा खोलाको बहाव बढ्न सक्ने भएकाले तटीय क्षेत्र, खोला आसपास तथा डुबानको जोखिम रहेका स्थानमा बसोबास गर्ने नागरिकलाई सतर्क रहन आग्रह गरिएको छ। पछिल्ला दिनमा पनि देशका विभिन्न जिल्लाका स–साना नदीमा आकस्मिक बाढीको मध्यम जोखिमबारे महाशाखाले चेतावनी दिँदै आएको छ।
बाढीको सम्भावना रहेका क्षेत्रमा नदी तथा खोलाको बहाव बढेको अवस्थामा तटीय क्षेत्रमा नजान तथा जोखिम देखिए सुरक्षित स्थानतर्फ जान महाशाखाले आग्रह गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
